മൂവാറ്റുപുഴ: മത നേതാക്കളെ കാണാനെത്തിയ എൽ ഡി എഫ് സ്ഥാനാർഥി എൽദോ ഏബ്രഹാമിനെ തടഞ്ഞ് നാട്ടുകാർ. മത സംഘടനകളുടെ വോട്ട് വേണ്ടന്ന പാർട്ടി മുന്നണി തീരുമാനങ്ങൾ കാറ്റിൽ പറത്തി പിഡിപിയുമായി വോട്ട് ചർച്ചയ്ക്കെത്തിയ എൽദോ എബ്രഹാമിനെ നാട്ടുകാർ തടയുകയായിരുന്നു.
ഇന്ന്‌ ഉച്ചകഴിഞ്ഞ് രണ്ടരയോടെ പുന്ന മറ്റത്തെ ചിറ്റേത്ത് കോളനിയിലാണ് സംഭവം. പിഡിപി നേതാവിൻ്റെ വീട്ടിലായിരുന്നു പി ഡി പി ജില്ലാനേതാക്കളുമായി രഹസ്യ കൂടികാഴ്ച. സ്ഥലം വെള്ളം കയറി മുങ്ങിയിട്ട് നാളിത് വരെ ഇവിടെ തിരിഞ്ഞ് നോക്കാതിരുന്ന എം എൽ എ യുടെ വാഹനം ഇവിടെ എത്തിയതോടെ നിരവധി സ്ത്രീകളടക്കം വാഹനം തടയാനെത്തി.. വെള്ളം കയറിയിട്ട് തിരിഞ്ഞ് നോക്കാത്ത ആൾ എത്തിയത് സ്ത്രീകൾ ചൂണ്ടികാട്ടിയതോടെ വലിയ ബഹളമായി. തന്റെ വീട്ടിൽ പലരും വരുമെന്ന് പിഡിപി നേതാവ് പറഞ്ഞതോടെ നാട്ടുകാർ കൂവി. ചർച്ചയ്ക്കെത്തിയതാണന്നു നേതാവ് പറഞ്ഞുവെങ്കിലും വീട്ടിൽ കയറിയ എംഎൽഎക്ക് പ്രതിഷേധം മൂലം നാണം കെട്ട് മടങ്ങേണ്ടി വരികയായിരുന്നു. മത നേതാക്കളുമായുള്ള ചർച്ച വേണ്ടെന്ന് സി പി ഐ യും സി പി എമ്മും പരസ്യ നിലപാട് എടുത്തിരുന്നു.
