ആലപ്പുഴ: കായംകുളത്ത് ബിജെപി പ്രാദേശിക നേതാവ് ഭാര്യയെ വെട്ടിക്കൊലപ്പെടുത്തിയ ശേഷം ജീവനൊടുക്കി. ബിജെപി കായംകുളം നിയോജകമണ്ഡലം ജനറല്‍ സെക്രട്ടറി പി.കെ.
സജിയാണ് ജീവനൊടുക്കിയത്. ഭാര്യ മിനി സ്കൂള്‍ അധ്യാപികയാണ്. സംഭവത്തില്‍ പോലീസ് അന്വേഷണം ആരംഭിച്ചു.
ശനിയാഴ്ചയാണ് സംഭവം. മൂർച്ചയേറിയ ആയുധമുപയോഗിച്ച്‌ ഭാര്യയെ കൊലപ്പെടുത്തിയ ശേഷം സജി ജീവനൊടുക്കുകയായിരുന്നെന്ന് പോലീസ് പറഞ്ഞു. ഇരുവരുടെയും മകൻ വീട്ടിലേക്ക് വിളിച്ചിട്ട് കിട്ടാത്തതിനെ തുടർന്ന് പ്രദേശവാസികളെ വിവരമറിയിക്കു കയായിരുന്നു.
തുടർന്ന് പരിസരവാസികള്‍ വീട്ടിലെത്തിയപ്പോഴാണ്‌
മൃതദേഹങ്ങള്‍ കണ്ടത്. സംഭവസ്ഥലത്തെത്തിയ പോലീസ് പരിശോധന നടത്തി വിശദമായ അന്വേഷണത്തില്‍ കാര്യങ്ങള്‍ക്ക് വ്യക്തത വരുമെന്ന് അധികൃതർ അറിയിച്ചു.
