ആലപ്പുഴ: ആലപ്പുഴയില്‍ നവകേരള സദസിനെതിരേ പ്രതിഷേധിച്ച യൂത്ത് കോണ്‍ഗ്രസ് പ്രവര്‍ത്തകരെ മര്‍ദിച്ച പോലീസ് നടപടിയെ ന്യായീകരിച്ച്‌ മന്ത്രി സജി ചെറിയാന്‍.മാന്യമല്ലാത്ത സമരം നടത്തിയാല്‍ അടികിട്ടുമെന്ന് മന്ത്രി പ്രതികരിച്ചു.കേരളത്തില്‍ ഇത് പുതിയ സംഭവമല്ല. സമരത്തിന് പോയാല്‍ അടി കിട്ടും. അടികിട്ടിയാലെ നേതാവാകാന്‍ കഴിയൂ. തങ്ങള്‍ക്കും അടി കിട്ടിയിട്ടുണ്ടെന്നും മന്ത്രി പറഞ്ഞു.പോലീസിന്‍റെ കൈയില്‍നിന്ന് അടി കിട്ടുന്നത് രാഷ്ട്രീയ നേതാവാകാനുള്ള പരിശീലനമാണ്. മാന്യമായ സമരത്തിന് തങ്ങള്‍ എതിരല്ല. കരിങ്കൊടി കാട്ടി രക്തസാക്ഷികളെ സൃഷ്ടിക്കാനാണ് കോണ്‍ഗ്രസ് ശ്രമിക്കുന്നതെന്നും മന്ത്രി ആരോപിച്ചു.
