കായംകുളം: റെയില്‍വേ സ്റ്റേഷനില്‍ വച്ച് കുട്ടികളെ മര്‍ദ്ദിച്ചു. അന്യസംസ്ഥാന തൊഴിലാളി അറസ്റ്റില്‍. കായംകുളം റെയില്‍വേ സ്റ്റേഷനില്‍ വച്ച് കുട്ടികളെ മര്‍ദ്ദിച്ച ബീഹാര്‍ സ്വദേശി സുരേഷ് മാഞ്ചി(40)യാണ് പിടിയിലായത്. മദ്യലഹരിയില്‍ നാല് കുട്ടികളെ ഇയാള്‍ സ്റ്റേഷനില്‍ വച്ച് കുട്ടികളെ മര്‍ദ്ദിക്കുന്നത് ശ്രദ്ധയില്‍പ്പെട്ട കൊല്ലം സ്റ്റേഷനില്‍ നിന്നുള്ള പോലീസുകാരാണ് ഇയാളെ പിടികൂടി റെയില്‍വേ പോലീസിനെ ഏല്‍പ്പിച്ചത്.
മാര്‍ബിള്‍ ജോലിക്കാരനായ ഇയാള്‍ വര്‍ഷങ്ങളായി നൂറനാട് ഭാഗത്താണ് താമസം. ഇയാളുടെ മര്‍ദ്ദനത്തെത്തുടര്‍ന്ന് ഭാര്യ പിണിങ്ങിപ്പോയി. മദ്യത്തിനും മറ്റു ലഹരിക്കും അടിമയായ ഇയാള്‍ ആറ് മാസം മുമ്പ് ഏറ്റവും ഇളയ കുട്ടിയെ നൂറനാട് ആശാന്‍ കലങ്കിന് സമീപം കെ.പി റോഡില്‍ റോഡിന് നടുവില്‍ കൊണ്ടുവച്ച് ഭീകരന്തരീഷം സൃഷ്ടിച്ച സംഭവത്തില്‍ നൂറനാട് പോലീസ് കേസെടുത്തിരുന്നു.
കുട്ടികളുമായി ബീഹാറിലേക്ക് പോകുവാന്‍ വേണ്ടിയാണ് കഴിഞ്ഞ ദിവസം പുലര്‍ച്ചെ കായംകുളം റെയില്‍വേ സ്റ്റേഷനിലെത്തിയത്. രണ്ടു കുട്ടികള്‍ അങ്കണവാടിയിലും മറ്റു രണ്ടു കുട്ടികള്‍ ഒന്നും രണ്ടും ക്ലാസുകളിലും പഠിക്കുകയാണ്. മര്‍ദനമേറ്റ കുട്ടികളെ ആലപ്പുഴയില്‍ നിന്നെത്തിയ ചൈല്‍ഡ്ലൈന്‍ പ്രവര്‍ത്തകര്‍ റെയില്‍വേ സ്റ്റേഷനില്‍ നിന്നും കുട്ടികളെ ഏറ്റെടുക്കുകയായിരുന്നു.
