ആലപ്പുഴ:കായംകുളത്ത് പുതുവത്സരാഘോഷത്തിനിടെ ഒന്‍പത് വയസുകാരനെ പോലീസ് മര്‍ദിച്ച സംഭവത്തില്‍ കുട്ടിയുടെ രക്ഷിതാക്കള്‍ ജില്ലാ പൊലീസ് മേധാവിക്ക് പരാതി നല്‍കും.
പടക്കം പൊട്ടിച്ചും മറ്റുമുള്ള ആഘോഷങ്ങള്‍ കാണാൻ പിതാവിനൊപ്പം എത്തിയ കുട്ടിയെ മഫ്തിയിലുണ്ടായിരുന്ന പൊലീസ് ലാത്തികൊണ്ട് മര്‍ദിച്ചെന്നാണ് ആരോപണം.
എന്നാല്‍ കുട്ടിയെ മര്‍ദിച്ചിട്ടില്ലെന്നാണ് പോലീസിന്‍റെ വാദം. ആഘോഷങ്ങള്‍ പരിധി വിട്ടപ്പോള്‍ യുവാക്കളെ ലാത്തി വീശി ഓാടിക്കുക മാത്രമാണ് ചെയ്തത്.ഗതാഗത തടസം ഉണ്ടാക്കി ആഘോഷം നടത്തിയ യുവാക്കള്‍ക്കെതിരെയാണ് ലാത്തി വീശിയത്. ഇവിടെ മഫ്തിയില്‍ പോലീസ് ഉണ്ടായിരുന്നില്ലെന്നുമാണ് കായംകുളം പോലീസിന്‍റെ വിശദീകരണം.
