മൂവാറ്റുപുഴ: മുവാറ്റുപുഴ മുനിസിപ്പാലിറ്റിയുടെ അധീനതയിലുള്ള കാവുങ്കര മാര്‍ക്കറ്റ് റോഡില്‍ കലുങ്ക് നിര്‍മാണം നടക്കുന്നതിനാല്‍ ചൊവ്വാഴ്ച മുതല്‍ ഈ റോഡിലൂടെയുള്ള ഗതാഗതം താത്കാലികമായി നിരോധിച്ചിരിക്കുന്നു. കോതമംഗലത്ത് നിന്ന് മുവാറ്റുപുഴ ടൗണിലേക്ക് പോകേണ്ട മുഴുവന്‍ വാഹനങ്ങളും വണ്‍വേയില്‍ നിന്ന് തിരിഞ്ഞ് റോട്ടറി റോഡ് വഴിയും കോതമംഗലം റോഡില്‍ നിന്ന് മുവാറ്റുപുഴ ആസാദ് റോഡിലേക്ക് പോകേണ്ട വാഹനങ്ങള്‍ എവറസ്റ്റ് ജംഗ്ഷനില്‍ നിന്ന് തിരിച്ച് കീച്ചേരിപ്പടി വഴിയും പോകേണ്ടതാണ്. മാര്‍ക്കറ്റിലേക്ക് വരുന്ന വാഹനങ്ങള്‍ കീച്ചേരിപ്പടി വഴി വന്ന് മാര്‍ക്കറ്റില്‍ ലോഡ് ഇറക്കിയതിന് ശേഷം ഇതേ വഴി തിരികെ പോകേണ്ടതാണ്
