നിലമ്പൂര്: കരുളായിയില് കരടിയുടെ ആക്രമണത്തില് യുവാവിന് ഗുരുതരമായി പരിക്കേറ്റു. കരുളായി സ്വദേശി ജംഷീറലിക്കാണ് പരിക്കേറ്റത്. ബുധനാഴ്ച വൈകിട്ട് മൂന്ന് മണിയോടെയാണ് സംഭവം നടന്നത്. യുവാവിനെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു. കാട്ടില് കൂണ് പറിക്കാന് പോയ ജംഷീറലിയെ കരടി ആക്രമിക്കുകയായിരുന്നു. മറ്റു മൂന്ന് പേര് കൂടി യുവാവിനൊപ്പമുണ്ടായിരുന്നു.
