മൂവാറ്റുപുഴ: കടാതി ഭാഗത്തുനിന്നും ഒരാള്‍ പൊക്കത്തില്‍ കൂടുതല്‍ വളര്‍ന്ന നിലയിലുള്ള കഞ്ചാവ് ചെടി എക്‌സൈസ് സംഘം കണ്ടെടുത്തു. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ സനില്‍ എസ്സിന് കിട്ടിയ രഹസ്യ വിവരത്തിന്റെ അടിസ്ഥാനത്തില്‍ ഈസ്റ്റ് കടാതി കരയില്‍ കടാതി കുര്യന്‍ മല റോഡിന് സമീപമുള്ള പുരയിടത്തില്‍ നടത്തിയ പരിശോധനയിലാണ് കഞ്ചാവ് ചെടികള്‍ കണ്ടെത്തിയത്.
ഏഴടി പൊക്കത്തില്‍ വളര്‍ന്ന നിലയില്‍ 206 സെന്റീമീറ്റര്‍ ഉയരമുള്ള കഞ്ചാവ് ചെടി കണ്ടെടുത്ത് കേസെടുത്ത സംഘം അന്വേഷണം തുടങ്ങി. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ സനില്‍ എസ് അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ഗ്രേഡ് അസീസ് ഇഎ, അജയകുമാര്‍ ടി, പ്രവന്റീവ് ഓഫീസര്‍ ഗ്രേഡ് ഷെബീര്‍ എംഎം, സിവില്‍ എക്‌സൈസ് ഓഫീസറായ ബിജു ഐസക്, വനിത സിവില്‍ എക്‌സൈസ് ഓഫീസര്‍ ആയ അനിത പി.എന്‍, എക്‌സൈസ് ഡ്രൈവര്‍ ജയന്‍ എം സി എന്നിവരും ഉണ്ടായിരുന്നു.
