വിഴിഞ്ഞം വെങ്ങാനൂരില്‍ തീകൊളുത്തി മരിച്ച അര്‍ച്ചനയെ കുടുംബ വീട്ടില്‍ നിന്ന് ഭര്‍ത്താവ് സുരേഷ് വിളിച്ചു കൊണ്ടുവന്നത് ഇന്നലെയെന്ന് അച്ഛന്‍. സുരേഷ് എത്തിയത് കുപ്പിയില്‍ ഡീസലുമായാണ്. ഉറുമ്പിനെ കൊല്ലാനെന്ന് പറഞ്ഞതായി അശോകന്‍ പറഞ്ഞു.
രാത്രി എട്ടരയ്ക്ക് വീട്ടില്‍ നിന്നിറങ്ങി, 12.30ന് മരണം വിളിച്ചു പറഞ്ഞുവെന്നും അച്ഛന്‍ പറഞ്ഞു. അതേസമയം, ഭര്‍ത്താവ് സുരേഷിനെ പൊലീസ് കസ്റ്റഡിയിലെടുത്തു. മരണത്തില്‍ ദുരൂഹതയെന്ന് ബന്ധുക്കള്‍ ആരോപിച്ചു. ഭര്‍തൃ വീട്ടുകാര്‍ പണം ആവശ്യപ്പെട്ടെന്ന് അര്‍ച്ചനയുടെ അമ്മ മോളി പറഞ്ഞു.
