മൂവാറ്റുപുഴ: കിഴക്കേക്കര ധ്വനി പബ്ലിക്ക് ലൈബ്രറി & റീഡിംങ് റൂമിന്റെ ആഭിമുഖ്യത്തില്‍ പരീക്ഷകളില്‍ ഉന്നത വിജയം നേടിയവരേയും കേരള മീഡിയ അക്കാദമിയുടെ സമഗ്ര മാധ്യമ ഗവേഷണ ഫെല്ലോഷിപ്പ് നേടിയ മാധ്യമ റിപ്പോര്‍ട്ടര്‍ ഫൈസല്‍ കുറ്റിയാനിക്കലിനേയും അനുമോദിച്ചു. യോഗം മൂവാറ്റുപുഴ അര്‍ബന്‍ ബാങ്ക് ചെയര്‍മാന്‍ അഡ്വ.എ.എ. അന്‍ഷാദ് ഉദ്ഘാടനം ചെയ്തു. ധ്വനി പബ്ലിക്ക് ലൈബ്രറി പ്രസിഡന്റ് മിനിമോള്‍ രാജീവ് അദ്ധ്യക്ഷത വഹിച്ചു.
നിര്‍മ്മലാ കോളേജ് അസോസിയേറ്റ് പ്രൊഫസര്‍ ഡോ.ജിജി കെ. ജോസഫ്, എറണാകുളം മഹാരാജാസ് കോളേജ് അസിസ്റ്റന്റ് പ്രൊഫസര്‍ ഡോ. നൗഷാദ് പി.എം., ബ്ലോക്ക് പഞ്ചായത്ത് മെമ്പര്‍ സിബിള്‍ സാബു, വാര്‍ഡ് മെമ്പര്‍ ശീനി വേണു. മുന്‍വാര്‍ഡ് മെമ്പര്‍ മുഹമ്മദ് അയ്യൂബ് ഖാന്‍, മാധ്യമ പ്രവര്‍ത്തകന്‍ ഫൈസല്‍ കുറ്റിയാനിക്കല്‍ എന്നിവര്‍ ആശംസ അര്‍പ്പിച്ച് സംസാരിച്ചു. യോഗത്തില്‍ ലൈബ്രറി സെക്രട്ടറി മോഹനന്‍.എന്‍ സ്വാഗതവും, എക്‌സിക്യുട്ടീവ് അംഗം എം.ടി. രാജീവ് നന്ദിയും അര്‍പ്പിച്ചു.
