എല്‍ഡിഎഫ് സ്ഥാനാര്‍ത്ഥി ആന്റണി ജോണിന്റെ എട്ടാം ദിവസത്തെ പര്യടനത്തില്‍ വന്‍ വരവേല്‍പ്പ്. കോതമംഗലം മാര്‍ക്കറ്റ്, ബസ് സ്റ്റാന്റ്, വ്യാപാര സ്ഥാപനങ്ങള്‍, റവന്യൂ ടവര്‍, ചെറിയ പള്ളിത്താഴം, കോഴിപ്പിള്ളി കവല, തങ്കളം, നെല്ലിക്കുഴി, നങ്ങേലിപ്പടി എന്നിവിടങ്ങളിലാണ് ആന്റണി ജോണ്‍ പര്യടനം നടത്തിയത്. വ്യാപാരികളും ഓട്ടോ തൊഴിലാളികളും വന്‍ സ്വീകരണമാണ് ആന്റണി ജോണിന് നല്‍കിയത്. വ്യാപാരികള്‍ പച്ചക്കറികള്‍ നല്‍കിയും, ഓട്ടോ തൊഴിലാളികള്‍ മാലയിട്ടും സ്ഥാനാര്‍ത്ഥിയെ സ്വീകരിച്ചു.
ആര്‍ അനില്‍ കുമാര്‍, എസ് സതീഷ്, എം.എസ്, ജോര്‍ജ്ജ്, എം.കെ.രാമചന്ദ്രന്‍, എന്‍.സി. ചെറിയാന്‍, മനോജ് ഗോപി, ബാബു പോള്‍, ടി.പി. തമ്പാന്‍, ബേബി പൗലോസ് തുടങ്ങിയ എല്‍.ഡി.എഫ് നേതാക്കളും മുനിസിപ്പല്‍ വൈസ് ചെയര്‍പേഴ്‌സണ്‍ സിന്ദു ഗണേശന്‍, എല്‍.ഡി.എഫ് മുനിസിപ്പല്‍ ജനപ്രതിനിധികള്‍, എല്‍ഡിഎഫ് പ്രവര്‍ത്തകര്‍ പങ്കെടുത്തു.
