വയനാട്ടിലുണ്ടായ ഉരുൾപൊട്ടലിൽ തമിഴ് നടൻ വിജയ് അനുശോചനം രേഖപ്പെടുത്തി. താരത്തിൻ്റെ പാർട്ടിയായ തമിഴക വെട്രി കഴകത്തിന്റെ ഔദ്യോഗിക ട്വിറ്റർ പേജിലൂടെ ആയിരുന്നു പ്രതികരണം. സംഭവത്തിൽ തനിക്ക് അതിയായ ദുഃഖമുണ്ടെന്നും തൻ്റെ പ്രാർത്ഥനകൾ ദുഃഖിതരായ കുടുംബത്തോടൊപ്പമുണ്ടെന്നും വിജയ് പറഞ്ഞു.
“കേരളത്തിലെ വയനാട്ടിൽ ഉണ്ടായ ഉരുൾപൊട്ടല്‍ ദുരന്തത്തില്‍ അഗാധമായ ദുഃഖം രേഖപ്പെടുത്തുകയാണ്. എൻ്റെ ചിന്തകളും പ്രാർത്ഥനകളും ദുഃഖിതരായ കുടുംബങ്ങൾക്കൊപ്പമാണ്. ദുരിതബാധിതർക്ക് ആവശ്യമായ രക്ഷാപ്രവർത്തനങ്ങളും ദുരിതാശ്വാസ നടപടികളും യുദ്ധകാലാടിസ്ഥാനത്തിൽ നൽകണമെന്ന് സർക്കാർ അധികാരികളോട് അഭ്യർത്ഥിക്കുക”, എന്നായിരുന്നു വിജയിയുടെ വാക്കുകൾ.
