മലപ്പുറം നിലമ്പൂർ പൊലീസ് സ്റ്റേഷന് മുന്നിലൂടെ ടിപ്പറിൽ മണൽ കടത്തുന്ന ദൃശ്യം ചിത്രീകരിച്ച് റീലിസിലൂടെ പൊലീസിനെ വെല്ലുവിളിച്ച സംഭവത്തിൽ മറുപടി റീലുമായി പൊലീസ്.റീൽസിന് പിന്നാലെ ഏഴ് പേരെ പൊലീസ് അറസ്റ്റ് ചെയ്തു.
ഷാമിൽ ഷാൻ, മർവാൻ, അമീൻ, അൽത്താഫ്, മുഹമ്മദ് സവാദ്, അബ്ദുൾ മജീദ്, സഹീർ എന്നിവരാണ് അറസ്റ്റിലായത്. പ്രതിയെ പിടികൂടി സ്‌റ്റേഷനിലേക്ക് കൊണ്ടുപോകുന്നതും മണലുമായി ഒരു ട്രക്ക് കസ്റ്റഡിയിൽ എടുക്കുന്നതും ദൃശ്യങ്ങളടങ്ങിയ ചിത്രവും പോലീസ് പങ്കുവച്ചു.
നിലമ്പൂർ പോലീസ് സ്‌റ്റേഷനു സമീപമുള്ള അനധികൃത മണൽ കടത്തിൻ്റെ ഈ വീഡിയോ വൻ പശ്ചാത്തല സംഗീതം നൽകിയതോടെ ഇൻസ്റ്റഗ്രാമിൽ വൈറലായിരിക്കുകയാണ്. ജില്ലാ പൊലീസ് മേധാവിയുടെ നിർദേശപ്രകാരം പൊലീസ് മണൽ കടത്തുകാരെ തപ്പി പൊലീസ് ഇറങ്ങി.മമ്പാട് സ്വദേശികളായ ഏഴ് പേരെയും പൊക്കി.
