തലശ്ശേരി : പോണ്ടിച്ചേരിയില്‍ നടക്കുന്ന 23 വയസ്സിന് താഴെയുള്ളവരുടെ അന്തര്‍ സംസ്ഥാന ഏകദിന ക്രിക്കറ്റ് ടൂര്‍ണമെന്റില്‍ ഒമര്‍ അബൂബക്കറിന്റെ സെഞ്ച്വറിയുടെ മികവില്‍ കേരളം ഒമ്ബത് വിക്കറ്റിന് ത്രിപുരയെ പരാജയപ്പെടുത്തി.ആദ്യം ബാറ്റ് ചെയ്ത ത്രിപുര 49.3 ഓവറില്‍ 168 റണ്‍സിന് ഓള്‍ഔട്ടായി. സന്ദീപ് സര്‍ക്കാര്‍ 44 റണ്‍സെടുത്തു.കേരളത്തിന് വേണ്ടി വി. അഭിജിത്ത് പ്രവീണ്‍ 32 റണ്‍സിന് നാല് വിക്കറ്റും ആല്‍ഫി ഫ്രാൻസിസ് ജോണും ഷോണ്‍ റോജറും രണ്ട് വിക്കറ്റ് വീതവും വീഴ്ത്തി. മറുപടിയായി കേരളം ഒമര്‍ അബൂബക്കറിന്റെ സെഞ്ച്വറി മികവില്‍ 26.2 ഓവറില്‍ ഒരു വിക്കറ്റ് നഷ്ടത്തില്‍ വിജയലക്ഷ്യം നേടി. ഒമര്‍ അബൂബക്കര്‍ 74 പന്തില്‍ എട്ട് സിക്സറും എട്ട് ഫോറുമടക്കം പുറത്താകാതെ 105 റണ്‍സെടുത്തു.
