വിമാനത്തിൽ സീറ്റില്ലാതെ ഇരുന്ന യാത്രക്കാരനെ പറന്നുയരാൻ നിമിഷങ്ങൾ മാത്രം ബാക്കിനിൽക്കെ ഇൻഡിഗോ ഇറക്കിവിട്ടു. മുംബൈയിൽ നിന്ന് വാരണാസിയിലേക്കുള്ള ഇൻഡിഗോ എയർലൈൻസിൻ്റെ 6E 6543 വിമാനത്തിൽ ഒരു യാത്രക്കാരന് സ്ഥലമില്ലാതായി. ടേക്ക് ഓഫിന് തൊട്ടുമുമ്പ് ജീവനക്കാർ ഇത് ശ്രദ്ധിച്ചു.
യാത്രക്കാരെ കയറ്റുമ്പോഴുണ്ടായ പിഴവാണ് സംഭവത്തിന് കാരണമെന്നാണ് കമ്പനിയുടെ വിശദീകരണം. ചൊവ്വാഴ്ച രാവിലെ 7.50ഓടെ പുറപ്പെടേണ്ടിയിരുന്ന വിമാനത്തിൽ യാത്രക്കാരൻ നിൽക്കുന്നത് കണ്ട് ജീവനക്കാരി വന്ന് തിരക്കിയപ്പോഴാണ് സീറ്റില്ലാതെ നിൽക്കുന്ന കാര്യം യാത്രക്കാരൻ പറഞ്ഞത്. . തുടർന്ന് ഉടൻ തന്നെ എയറോബ്രിഡ്ജിലേക്ക് കൊണ്ടുവന്ന് യാത്രക്കാരനെ ഇറക്കുകയായിരുന്നു. സംഭവത്തിൽ അബദ്ധം പറ്റിയതാണെന്നാണ് കമ്പനിയുടെ വിശദീകരണം.
