മാവേലിക്കര: എൻ.കെ. പ്രേമചന്ദ്രൻ എംപി സഞ്ചരിച്ച കാർ അപകടത്തില്‍പെട്ടു. മാവേലിക്കര പുതിയകാവിലാണ് സംഭവം. ചങ്ങനാശേരിയില്‍ മരുമകളുടെ വീട്ടില്‍ പോയി കൊല്ലത്തേക്കു മടങ്ങുകയായിരുന്നു എംപി.പുതുതായി വാങ്ങിയ വാഹനം നിരത്തിലേക്ക് ഇറക്കവേ മറ്റൊരു കാറില്‍ ഇടിക്കുകയായിരുന്നു. അപകടം നടന്ന സമയത്ത് അദ്ദേഹം ഉറക്കത്തിലായിരുന്നു.
അപകടത്തില്‍ പ്രേമചന്ദ്രന്‍റെ നെറ്റിക്കും കാലിനും പരിക്കുണ്ട്. മാവേലിക്കര ജില്ലാ ആശുപത്രിയില്‍ പ്രവേശിപ്പിച്ച അദ്ദേഹത്തിന്‍റെ കാലിന്‍റെ എക്സ്റേ എടുത്തു. പരിക്ക് ഗുരുതരമല്ലെന്ന് ഡോക്ടർമാർ അറിയിച്ചു.
