തിരുവനന്തപുരം: ലോക്സഭാ തിരഞ്ഞെടുപ്പിനുള്ള ഒരുക്കങ്ങള്‍ പൂര്‍ത്തിയായി. പരസ്യപ്രചാരണം നാളെ വൈകിട്ട് ആറിന് അവസാനിക്കും.സംസ്ഥാനത്ത് 2,61,51,534 വോട്ടര്‍മാരാണുള്ളത്.. 23ന് രാവിലെ ഏഴു മുതല്‍ വൈകിട്ട് ആറ് വരെയാണ് വോട്ടെടുപ്പ്. രാവിലെ ആറിന് മോക്പോള്‍ നടക്കും.
മലപ്പുറത്താണു കൂടുതല്‍ വോട്ടര്‍മാര്‍- 31,36,191 പേര്‍. കുറവ് വയനാട് ജില്ലയില്‍- 5,94,177 പേര്‍. 2,88,191 കന്നിവോട്ടര്‍മാരാണുള്ളത്. 1,35,357 ഭിന്നശേഷി വോട്ടര്‍മാരുണ്ട്. രണ്ടു ബ്രെയില്‍ സാംപിള്‍ ബാലറ്റ് പേപ്പറുകള്‍ എല്ലാ ബൂത്തിലുമുണ്ടാവും. 24,970 പോളിങ് സ്‌റ്റേഷനുകളാണുള്ളത്. കുറ്റ്യാടി, ആലത്തൂര്‍, കുന്ദമംഗലം എന്നിവിടങ്ങളില്‍ ഓക്‌സിലറി പോളിങ് ബൂത്തുകളുണ്ട്. മലപ്പുറത്താണ് ഏറ്റവും കൂടുതല്‍ പോളിങ് ബൂത്തുകള്‍- 2750. കുറവ് വയനാട്- 575.
