കൊല്ലം: കുണ്ടറയില്‍ അഞ്ചു വയസുകാരന് നേരെ തെരുവ് നായ ആക്രമണം. ഇളമ്പള്ളൂര്‍ ഏജന്റ് മുക്കില്‍ തിലകൻ-ഇന്ദു ദമ്പതികളുടെ മകൻ നീരജിനാണ് പരിക്കേറ്റത്.ആക്രമണത്തില്‍ തലയ്ക്കും മുതുകിലും ഗുരുതരമായി പരുക്കേറ്റ കുട്ടിയെ ജില്ല ആശുപത്രിയില്‍ പ്രവേശിപ്പിച്ചു.മുറ്റത്തേക്ക് ഇറങ്ങിയ കുട്ടിയെ തെരുവുനായക്കൂട്ടം ആക്രമിക്കുകയായിരുന്നു. 200 മീറ്ററോളം കുട്ടിയെ നായകള്‍ വലിച്ചിഴച്ചു കൊണ്ടുപോയി.ജന്മനാ ഇരുവൃക്കകളും തകരാറിലായ കുട്ടിയാണ് നീരജ്. ഇരുകാലുകള്‍ക്കും സ്വാധീനമില്ലാത്ത മാതാവ് മാത്രമാണ് സംഭവ സമയം വീട്ടില്‍ ഉണ്ടായിരുന്നത്. ബഹളം കേട്ട് സമീപത്തെ വീട്ടില്‍ ജോലി ചെയ്തുകൊണ്ടിരുന്ന യുവാവ് ഓടിയെത്തിയാണ് കുട്ടിയെ രക്ഷിച്ചത്.
