കണ്ണൂര്‍: പാനൂരില്‍ അച്ഛന്റെ വെടിയേറ്റ് മകന് പരിക്ക്. പാനൂരിലെ സ്വര്‍ണവ്യാപാരിയായ മഹാരാഷ്ട്ര സ്വദേശി ഗോപിയാണ് എയര്‍ഗണ്‍ ഉപയോഗിച്ച്‌ മകൻ സൂരജിനെ(30) വെടിവച്ചത്.പരുക്കേറ്റ സൂരജിനെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.ഇന്നലെ രാത്രി ഒൻപതോടെ മേലേപൂക്കോത്തെ വീട്ടിലാണ് സംഭവമുണ്ടായത്.
തലയുടെ തൊലിപ്പുറത്തു മാത്രമാണ് പരിക്കേറ്റത് എന്ന് പൊലീസ് പറഞ്ഞു. പൊലീസ് കസ്റ്റഡിയില്‍ എടുക്കുമ്ബോള്‍ ഇയാള്‍ മദ്യലഹരിയില്‍ ആയിരുന്നു. സൂരജിന്റെ മൊഴിയെടുത്തെങ്കിലും പിതാവിനെതിരെ പരാതി നല്‍കാൻ തയാറായില്ല. മദ്യ ലഹരിയില്‍ അബദ്ധത്തില്‍ സംഭവിച്ചതാണെന്നാണ് വിലയിരുത്തല്‍. ഇവരുടെ കുടുംബം കഴിഞ്ഞ 40 വര്‍ഷമായി ഇവിടെയാണ് താമസം.
