മലപ്പുറം-പൊന്നാനി സ്വദേശിയായ മത്സ്യത്തൊഴിലാളിയെ കാണാതായി. പൊന്നാനി സ്വദേശി ഷൗക്കത്തിനെയാണ് കാണാതായത്. ആലപ്പുഴ ഭാഗത്ത് നിന്നാണ് കടലില്‍ വെച്ച് ഷൗക്കത്തിനെ കാണാതായത്. ഇന്ന് പുലർച്ചെ നാലു മണിയോടെയാണ് സംഭവം. കാണാതായയാൾക്കായി തിരച്ചിൽ തുടരുകയാണ്. ബോട്ടിൽ നിന്ന് കടലിൽ വീണതാണെന്നാണ് കരുതുന്നത്.
മത്സ്യബന്ധനത്തിനിടെ ബോട്ടിൽ മറ്റ് മത്സ്യത്തൊഴിലാളികൾ ഉറങ്ങിക്കിടക്കുന്നതിനിടെയാണ് ഷൗക്കത്തിനെ കാണാതായത്. മത്സ്യത്തൊഴിലാളികള്‍ ഉറങ്ങി ഏഴുന്നേറ്റപ്പോള്‍ ഷൗക്കത്തിനെ കണ്ടില്ല. തുടര്‍ന്ന് പൊലീസിനെയും തീരദേശ സേനയെയും വിവരം അറിയിക്കുകയായിരുന്നു. പോലീസും കോസ്റ്റ് ഗാർഡും കടലിൽ തിരച്ചിൽ നടത്തുകയാണ്. ഷൗക്കത്തിനെ ഇതുവരെ കണ്ടെത്താനായിട്ടില്ല.
