മലപ്പുറത്ത് മരിച്ച യുവാവിന് നിപ ബാധയുണ്ടെന്ന് സ്ഥിരീകരിച്ചതോടെ രോഗലക്ഷണങ്ങളുള്ള 10 പേരുടെ സാമ്പിളുകൾ ജില്ലയിലേക്ക് പരിശോധനയ്ക്ക് അയച്ചു. മലപ്പുറത്ത് ആരോഗ്യവകുപ്പ് കൺട്രോൾ റൂം തുറന്നു. രോഗലക്ഷണങ്ങളുള്ളവരുടെ സാമ്പിളുകൾ മഞ്ചേരി മെഡിക്കൽ കോളേജിൽ നിന്ന് ശേഖരിച്ചു. മരിച്ച കൗമാരക്കാരൻ്റെ സെൽ ടവറിൻ്റെ ലൊക്കേഷൻ ഉൾപ്പെടുന്ന ഒരു കോൺടാക്റ്റ് ലിസ്റ്റ് സൃഷ്ടിച്ചിട്ടുണ്ട്.
മലപ്പുറം നടുവത്ത് നിപ ബാധിച്ച് മരണപ്പെട്ട 24 കാരന്റെ സംസ്കാര ചടങ്ങില് പങ്കെടുത്ത 15 സഹപാഠികള് നിരീക്ഷണത്തിലാണ്. ജാഗ്രത നിര്ദേശം ഏര്പ്പെടുത്തിയ ബംഗളൂരില് സാഹചര്യം വിലയിരുത്താന് ആരോഗ്യ വകുപ്പിന്റെ യോഗം നടക്കും.ബംഗളൂരില് വിദ്യാര്ത്ഥിയായിരുന്ന യുവാവുമായി 151 പേരാണ് പ്രാഥമിക സമ്പര്ക്ക പട്ടികയില് ഉള്ളത്. 4 സ്വകാര്യ ആശുപത്രികളില് യുവാവ് ചികിത്സ തേടിയിട്ടുണ്ട്. ഇതുകൂടാതെ സുഹൃത്തുക്കള്ക്കൊപ്പം ചില സ്ഥലങ്ങളില് യാത്ര ചെയ്തിട്ടുമുണ്ട്. ഇവരുടെ എല്ലാവരുടെയും തന്നെ വിവരങ്ങള് ശേഖരിച്ച് നേരിട്ട് സമ്പര്ക്കത്തില് ഏര്പ്പെട്ടവരെ ഐസൊലേഷനിലേക്ക് മാറ്റിയിട്ടുണ്ട്. ഐസൊലേഷനിലുള്ള 5 പേര്ക്ക് ചില ലഘുവായ ലക്ഷണങ്ങള് കണ്ടതിനെ തുടര്ന്ന് സാമ്പിളുകള് പരിശോധനയ്ക്ക് അയച്ചിട്ടുണ്ട്.