കോട്ടയം: മുഖ്യമന്ത്രിയും മന്ത്രിമാരും പങ്കെടുക്കുന്ന നവകേരള സദസിനോടനുബന്ധിച്ച് കോട്ടയം നിയോജകമണ്ഡലത്തിലെ തിരുനക്കര പ്രൈവറ്റ് ബസ് സ്റ്റാന്‍ഡിലെത്തുന്നവര്‍ക്കായുള്ള വാഹന പാര്‍ക്കിംഗ് ക്രമീകരണം ഡിസംബര്‍ 13 ഉച്ചകഴിഞ്ഞ് രണ്ട് മുതല്‍ ചുവടെ പറയുംവിധമാണ്.
എം.സി. റോഡുവഴി ചങ്ങനാശേരി ഭാഗത്തു നിന്നും വരുന്ന വാഹനങ്ങള്‍ പുളിമൂട് ജംഗ്ഷന് സമീപം ആളെയിറക്കി കെ.എസ്.ആര്‍.ടി.സി ബസ് സ്റ്റാന്‍ഡ് വഴി വന്ന് കോടിമത എം. എല്‍. റോഡില്‍ പാര്‍ക്ക് ചെയ്യണം. ചെറിയ വാഹനങ്ങള്‍ എം. സി. റോഡില്‍ കോടിമത പാലത്തിന് തെക്കുവശം പാര്‍ക്ക് ചെയ്യണം.
കെ.കെ റോഡുവഴി വരുന്ന എല്ലാ വാഹനങ്ങളും കേരളാ ബാങ്കിന് സമീപം ആളെ ഇറക്കി ഈരയില്‍കടവ് ബൈപ്പാസ് പാലം കടന്ന് പാര്‍ക്ക് ചെയ്യണം. എം.സി. റോഡുവഴി ഏറ്റുമാനൂര്‍ ഭാഗത്തു നിന്നും വരുന്ന വാഹനങ്ങള്‍ ശാസ്ത്രി റോഡ് ബസ് സ്റ്റോപ്പ് ഭാഗത്തെത്തി ആളെ ഇറക്കണം. വലിയ വാഹനങ്ങള്‍ മംഗളം പത്രത്തിന്റെ എതിര്‍വശം വട്ടമൂട് പാലം കഴിഞ്ഞ് പാര്‍ക്ക് ചെയ്യണം.
*നവകേരള സദസ്സ്: കോട്ടയത്തെ വാഹന പാര്‍ക്കിങ് ക്രമീകരണം ഇങ്ങനെ
ചെറിയ വാഹനങ്ങള്‍ ശാസ്ത്രി റോഡിന്റെ വലതുവശം ഒരു സൈഡിലായി പാര്‍ക്ക് ചെയ്യണം. കുമരകം റോഡുവഴി വരുന്ന വാഹനങ്ങള്‍ ബേക്കര്‍ ജംഗ്ഷനില്‍ എത്തി ആളെ ഇറക്കി തിരികെ സി.എം.എസ്. കോളേജ് റോഡിലും ചാലുകുന്ന് കഴിഞ്ഞുള്ള കുമരകം റോഡിലും പാര്‍ക്ക് ചെയ്യണം. തിരുവാതുക്കല്‍ ഭാഗത്തു നിന്നും വരുന്ന വാഹനങ്ങള്‍ പാലാമ്പടം ഭാഗത്ത് കൂടി പാലസ്് റോഡ് വഴി വന്ന് പടിഞ്ഞാട്ട് തിരിഞ്ഞ് ക്ഷേത്ര മൈതാനത്തിനു തെക്കുവശം റോഡിന്റെ തെക്കുഭാഗത്ത് ഭാഗത്തെത്തി ആളെ ഇറക്കി പുത്തനങ്ങാടി ഭാഗത്ത് വാഹനങ്ങള്‍ പാര്‍ക്ക് ചെയ്യണം.
നവകേരളസദസിലെ പ്രഭാതയോഗത്തിനായി ജെറുസലേം പള്ളി ഹാളിലെത്തുന്നവരുടെ വാഹനങ്ങള്‍ക്ക് രാവിലെ ഏഴ് മുതല്‍ പാര്‍ക്കിംഗ് സൗകര്യം ക്രമീകരിച്ചിട്ടുണ്ട്. വി.ഐ.പി. വാഹനങ്ങള്‍ മാമന്‍ മാപ്പിള ഹാളിലാണ് പാര്‍ക്ക് ചെയ്യേണ്ടത്. മറ്റ് വാഹനങ്ങള്‍ ജനറല്‍ ആശുപത്രിയുടെ പടിഞ്ഞാറുവശം, കത്തീഡ്രല്‍ പള്ളി, ബി.സി.എം കോളേജ്, ബസേലിയസ് കോളേജിന് മുന്‍വശം, ബസേലിയസ് കോളേജിന് സമീപമുള്ള മാര്‍ ഏലിയ കത്തീഡ്രല്‍, എം.ഡി. സെമിനാരി സ്‌കൂള്‍ ഗ്രൗണ്ട് എന്നിവിടങ്ങളിലാണ് പാര്‍ക്ക് ചെയ്യേണ്ടത്.
* നവകേരള സദസിന്റെ ഭാഗമായി പുതുപ്പള്ളി നിയോജക മണ്ഡലത്തില്‍ ബുധനാഴ്ച ഏര്‍പ്പെടുത്തുന്ന ഗതാഗത ക്രമീകരണങ്ങള്‍ ചുവടെ. മണര്‍കാട്, കോട്ടയം, മെഡിക്കല്‍ കോളേജ് ഭാഗത്തേക്ക് പോകുന്നവര്‍ ചേന്നംപളളിയില്‍നിന്നും ഇടത്തോട്ട് തിരിഞ്ഞ് ഓര്‍വയല്‍, കുറ്റിക്കല്‍ ഇലക്കൊടിഞ്ഞി പൊത്തന്‍പുറം മഞ്ഞാടി പറുതലമറ്റം വഴി എട്ടാം മൈലില്‍ എന്‍. എച്ച്. 183 റോഡിലെത്തണം. പൊന്‍കുന്നം, കാഞ്ഞിരപ്പള്ളി, എരുമേലി, മുണ്ടക്കയം ഭാഗത്തേക്ക് പോകുന്നവര്‍ വട്ടമലപ്പടി എസ.്ബി.ഐ. ബ്രാഞ്ചിന്റെ മുന്‍പില്‍ നിന്നും ഇടത്തോട്ട് തിരിഞ്ഞ് പങ്ങട പളളി, ആനിവേലിപ്പടി, റബ്ബര്‍ ബോര്‍ഡ് ജംഗ്ഷന് ചെന്നാമറ്റം പാനാപ്പള്ളി വട്ടുകളം, കോത്തല 12-ാം മൈലില്‍ എന്‍. എച്ച്. 183 റോഡിലെത്തണം.
പാര്‍ക്കിംഗ് ക്രമീകരണം ഇങ്ങനെ
വാകത്താനം, പുതുപ്പള്ളി, കൂരോപ്പട ഗ്രാമപഞ്ചായത്തുകളില്‍ നിന്നെത്തുന്ന വാഹനങ്ങള്‍ ആര്‍. ഐ.ടി എന്‍ജിനീയറിംഗ് കോളേജ് ഗ്രൗണ്ടിലും അയര്‍ക്കുന്നം, അകലക്കുന്നം, മണര്‍കാട് ഭാഗത്ത് നിന്നെത്തുന്ന വാഹനങ്ങള്‍ ക്രോസ്റോഡ് സ്‌കൂളിലും പാമ്പാടി, മീനടം ഭാഗത്ത് നിന്നെത്തുന്ന വാഹനങ്ങള്‍ പാമ്പാടി വലിയപള്ളിയിലുമാണ് പാര്‍ക്ക് ചെയ്യേണ്ടത്. വി.ഐ.പി. വാഹനങ്ങള്‍ എം.ജി.എം ഹൈസ്‌കൂളിലും ഔദ്യോഗികവാഹനങ്ങള്‍ വിമലാംബിക സ്‌കൂളിലുമാണ് പാര്‍ക്ക് ചെയ്യേണ്ടത്.
*നവകേരള സദസ്സ് ഗതാഗത നിയന്ത്രണം- ചങ്ങനാശേരി
ചങ്ങനാശേരി എസ്ബി കോളജ് ഗ്രൗണ്ടില്‍ നടക്കുന്ന നവകേരള സദസ്സിനോടനുബന്ധിച്ച് ടൗണിലും പരിസരപ്രദേശങ്ങളിലും ഇന്ന് ഗതാഗത നിയന്ത്രണം ഏര്‍പ്പെടുത്തിയതായി പൊലീസ് അറിയിച്ചു
കോട്ടയം ഭാഗത്തുനിന്നു തിരുവനന്തപുരം ഭാഗത്തേക്ക് പോകുന്ന വാഹനങ്ങള്‍ പാലാത്ര ജംക്ഷനില്‍ എത്തി റെയില്‍വേ, ളായിക്കാട് ജംക്ഷന്‍ വഴി പോകണം.
തിരുവനന്തപുരം ഭാഗത്തുനിന്നു കോട്ടയം ഭാഗത്തേക്ക് പോകുന്ന വാഹനങ്ങള്‍ ളായിക്കാട് നിന്നു ബൈപാസിലൂടെ റെയില്‍വേ, പാലാത്ര ജംക്ഷന്‍ വഴി യാത്ര തുടരാം.
ആലപ്പുഴയില്‍ നിന്നു വരുന്ന വാഹനങ്ങള്‍ പെരുന്ന റെഡ് സ്‌ക്വയര്‍ വഴി ളായിക്കാട് എത്തി ബൈപാസിലൂടെ പോകണം.
ചങ്ങനാശേരി മാര്‍ക്കറ്റ് ഭാഗത്തുനിന്നു വരുന്ന വാഹനങ്ങള്‍ സെന്‍ട്രല്‍ ജംക്ഷന്‍ വഴി വാഴൂര്‍ റോഡിലൂടെ റെയില്‍വേ ജംക്ഷനിലെത്തി ബൈപാസിലൂടെ യാത്ര തുടരാം.
ടിബി റോഡിലൂടെ വരുന്ന വാഹനങ്ങള്‍ പോസ്റ്റ് ഓഫിസ് ജംക്ഷനിലെത്തി പെരുന്ന റെഡ് സ്‌ക്വയര്‍, ളായിക്കാട് വഴി ബൈപാസില്‍ പ്രവേശിച്ച് പോകണം.
കോട്ടയം ഭാഗത്തുനിന്നു വരുന്ന കെഎസ്ആര്‍ടിസി ബസുകള്‍ പാലാത്ര ജംക്ഷനില്‍ നിന്നു ബൈപാസിലൂടെ റെയില്‍വേ ജംക്ഷനിലെത്തി സെന്‍ട്രല്‍ ജംക്ഷന്‍ വഴി സ്റ്റാന്‍ഡില്‍ കയറണം.
തിരുവനന്തപുരം ഭാഗത്തുനിന്നു വരുന്ന കെഎസ്ആര്‍ടിസി ബസുകള്‍ ളായിക്കാട് – സെന്‍ട്രല്‍ ജംക്ഷനിലെത്തി റെയില്‍വേ ജംക്ഷന്‍, പാലാത്ര ജംക്ഷന്‍ വഴി പോകണം.
ആലപ്പുഴ ഭാഗത്തുനിന്നു കോട്ടയം ഭാഗത്തേക്ക് വരുന്ന കെഎസ്ആര്‍ടിസി ബസുകള്‍ പെരുന്ന റെഡ് സ്‌ക്വയര്‍ വഴി സെന്‍ട്രല്‍ ജംക്ഷന്‍, റെയില്‍വേ ജംക്ഷനില്‍ പ്രവേശിച്ച് പാലാത്ര വഴി പോകണം.
ചങ്ങനാശേരിയില്‍ നിന്ന് തിരുവനന്തപുരം ഭാഗത്തേക്ക് പോകേണ്ട കെഎസ്ആര്‍ടിസി ബസുകള്‍ എംസി റോഡ് പെരുന്ന – ളായിക്കാട് വഴി യാത്ര തുടരാം.
ചങ്ങനാശേരിയില്‍ നിന്ന് കോട്ടയം ഭാഗത്തേക്കു പോകേണ്ട കെഎസ്ആര്‍ടിസി ബസുകള്‍ സെന്‍ട്രല്‍ ജംക്ഷനിലെത്തി റെയില്‍വേ ജംക്ഷന്‍, ബൈപാസ് വഴി പാലാത്രയിലെത്തി പോകണം.
