കൊച്ചി: കാട്ടാന ആക്രമണത്തില്‍ തോട്ടം തൊഴിലാളിക്ക് പരിക്ക്. പൂയംകുട്ടി സ്വദേശി ബെന്നി വര്‍ഗീസിനാണ് പരിക്കേറ്റത്. ഇയാളെ ആശുപത്രിയിലേക്ക് മാറ്റി. ഇന്ന് പുലര്‍ച്ചെ ആറരയ്ക്ക് പൂയംകുട്ടി കപ്പേളപടിയില്‍വച്ചാണ് സംഭവം. റബര്‍ വെട്ടുന്നതിനായി സ്‌കൂട്ടറില്‍ പോകുമ്‌ബോഴാണ് ആക്രമണം.
റോഡില്‍ നില്‍ക്കുകയായിരുന്ന കാട്ടാനക്കൂട്ടത്തില്‍നിന്ന് ഒരാന ബെന്നിക്ക് നേരേ പാഞ്ഞടുത്തു.സ്‌കൂട്ടര്‍ തകര്‍ത്ത ആന ബെന്നിയെ തുമ്പിക്കൈകൊണ്ട് അടിക്കുകയായിരുന്നു. ആക്രമണത്തില്‍ ബെന്നിയുടെ കൈകാലുകള്‍ക്ക് ഒടിവുണ്ട്.
