ശ്രീകണ്ഠപുരം: രണ്ടാം ക്ലാസുകാരിയെ പീഡിപ്പിക്കാന്‍ ശ്രമിച്ച കേസില്‍ അമ്മയേയും രണ്ട് യുവാക്കളെയും ശ്രീകണ്ഠപുരം എസ്.ഐ. കെ.വി. രഘുനാഥന്‍ അറസ്റ്റ് ചെയ്തു. കുടിയാന്മല മുന്നൂര്‍ കൊച്ചിയിലെ മൂളിയാല്‍ ഹൗസില്‍ ജിനേഷ് ഫിലിപ്പ്(28), കുടിയാന്മല തലച്ചിറ ഹൗസില്‍ ടി.എം.സതീഷ്(39) എന്നിവരാണ് പിടിയിലായത്.
ഭര്‍ത്താവ് ഉപേക്ഷിച്ച യുവതിക്ക് പിടിയിലായ യുവാക്കളുമായി ബന്ധമുണ്ടായിരുന്നതായി പോലീസ് പറഞ്ഞു. വീട്ടില്‍ വെച്ച് യുവാക്കള്‍ മദ്യം ബലമായി നല്‍കി കുട്ടിയെ പീഡിപ്പിക്കാന്‍ ശ്രമിച്ചെന്നാണ് പരാതി. പെണ്‍കുട്ടി സംഭവം സ്‌കൂളിലെ മറ്റ് കുട്ടികളോട് പറയുകയായിരുന്നു. തുടര്‍ന്ന് സ്‌കൂള്‍ അധികൃതര്‍ ചൈല്‍ഡ് ലൈനില്‍ പരാതി നല്‍കി. ഇവരുടെ നിര്‍ദ്ദേശപ്രകാരമാണ് പോലീസ് കേസെടുത്തത്. തളിപ്പറമ്പ് കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
