ദേവസ്വം ബോർഡ് പ്രസിഡൻ്റിൻ്റെയും അംഗങ്ങളുടെയും കാലാവധി 4 വർഷമാക്കി പുനർനിർണ്ണയിക്കാനാണ് സർക്കാർ നീക്കം. സമാനാവശ്യവുമായി നേരത്തെ ദേവസ്വം ബോർഡ് സർക്കാരിന് കത്ത് നൽകിയിരുന്നു. വിഷയം സർക്കാർ പരിഗണനയിലാണെന്ന് നിയമസഭ രേഖകൾ.
സംസ്ഥാനത്തെ 1254 ക്ഷേത്രങ്ങളുടെ ഭരണാധികാരം കൈയ്യാളുന്ന തിരുവിതാംകൂർ ദേവസ്വം ബോർഡിനെ നയിക്കുന്നത് പ്രസിഡന്റ്‌ ഉൾപ്പെടെ നാല് പേരടങ്ങുന്ന ഭരണസമിതിയാണ്. രണ്ട് വർഷമാണ് ഭരണസമിതിയുടെ കാലയളവ്. നിലവിൽ അധ്യക്ഷൻ ആയിട്ടുള്ള പി എസ് പ്രശാന്ത് നേതൃത്വം നൽകുന്ന ഭരണസമിതിക്ക്‌ ഈ വർഷം നവംബർ വരെ കാലാവധിയുണ്ട്. ഇത് നീട്ടി നിൽക്കണം എന്ന് ആവശ്യപ്പെട്ട് ദേവസ്വം സർക്കാരിനെ കത്ത് നൽകിയിരുന്നു. അതുകൂടി പരിഗണിച്ചാണ് സർക്കാരിന്റെ നീക്കം.
