കൊച്ചി: വടക്കന് പറവൂരില് കാര് വാടകയ്ക്കെടുത്തത് സംബന്ധിച്ചുണ്ടായ തര്ക്കത്തെത്തുടര്ന്നു യുവാവ് വെട്ടേറ്റു മരിച്ച കേസിലെ മൂന്നു പ്രതികള് പോലീസില് കീഴടങ്ങി. അങ്കമാലിയില്വച്ചാണ് മൂവരും പോലീസില് കീഴടങ്ങിയത്. ഞായറാഴ്ചയാണ് വെടിമറ കാഞ്ഞിരപ്പറമ്ബില് ബദറുദ്ദീന്റെ മകന് മുബാറക്(24) കൊല്ലപ്പെട്ടത്. ഞായറാഴ്ച രാത്രി 9.30നു പറവൂര്- മാഞ്ഞാലി റൂട്ടില് മാവിന്ചുവട് മസ്ജിദിനു സമീപത്തെ ഒഴിഞ്ഞ പറമ്ബില്വച്ചാണു കൊലപാതകം നടന്നത്. കാര് വാടകയ്ക്കെടുത്തതു സംബന്ധിച്ച തര്ക്കം മാത്രമാണ് കൊലപാതകത്തിലേക്ക് നയിച്ചതെന്നും പ്രതികള്ക്കു ക്വട്ടേഷന് സംഘവുമായി ബന്ധമുണ്ടെന്നും പോലീസ് അറിയിച്ചു.
