വീടില്ലാത്ത നിര്‍ധന കുടുംബങ്ങള്‍ക്ക് അടച്ചുറപ്പുള്ള വീടും പുതുജീവിതവും സമ്മാനിക്കുന എല്‍ഡിഎഫ് സര്‍ക്കാരിന്റെ ലൈഫ് പദ്ധതിയെ തകര്‍ക്കാന്‍ ശ്രമിക്കുന്ന അവിശുദ്ധ രാഷ്ട്രീയ കൂട്ടുകെട്ടിനും അതിന്റെ വടക്കാഞ്ചേരിയിലെ നേതാവായ കോണ്‍ഗ്രസ് എംഎല്‍എ അനില്‍ അക്കരയ്ക്കുമെതിരെ ജനരോഷം ഉയര്‍ത്തിക്കൊണ്ട് സിപിഎം സംഘടിപ്പിക്കുന്ന ബഹുജന സത്യാഗ്രഹം തുടരുന്നു. അനില്‍ അക്കരയുടെ വീട്ടുപടിക്കലും വടക്കാഞ്ചേരി എംഎല്‍എ ഓഫീസിന് മുന്നിലുമായി സത്യാഗ്രഹ സമരം തുടരുകയാണ്.
വടക്കാഞ്ചേരി എംഎല്‍എ ഓഫീസിന് മുന്നിലെ സമരം ഇരുപത്തിയഞ്ചാം ദിനം സിപിഎം ചേലക്കര ഏരിയ സെക്രട്ടറി കെ. കെ. മുരളീധരന്‍ ഉദ്ഘാടനം ചെയ്തു. സിപിഎം വടക്കാഞ്ചേരി ഏരിയ കമ്മിറ്റിയംഗം കെ. എം. മൊയ്തു അദ്ധ്യക്ഷനായി. കര്‍ഷക തൊഴിലാളി യൂണിയന്‍ മുണ്ടത്തിക്കോട് വില്ലേജ് സെക്രട്ടറി സി.എ. ഷംസുദ്ദീന്‍, കര്‍ഷകസംഘം മുണ്ടത്തിക്കോട് മേഖല സെക്രട്ടറി സി. ആര്‍. രാജേഷ്, പി.കെ.എസ് മുണ്ടത്തിക്കോട് മേഖല സെക്രട്ടറി എം.കെ. ചന്ദ്രന്‍ തുടങ്ങിയവര്‍ അഭിവാദ്യം ചെയ്ത് സംസാരിച്ചു.
