കർണാടക ഷിരൂർ മണ്ണിടിച്ചിൽ മരണപ്പെട്ട അർജുന്റെ കുടുംബത്തിന് 7 ലക്ഷം രൂപ ധനസഹായം നൽകുമെന്ന് മുഖ്യമന്ത്രി പിണറായി വിജയൻ. മന്ത്രിസഭായോഗത്തിലാണ് തീരുമാനമായത്. ഷിരൂരില് മണ്ണിടിച്ചിലിൽ മരിച്ച അര്ജുന്റെ കുടുംബത്തിന് ഏഴു ലക്ഷം നല്കും. വയനാട് ദുരന്തത്തിൽ കേന്ദ്രത്തിനെതിരെയും മുഖ്യമന്ത്രി വിമര്ശനം ഉന്നയിച്ചു. ഫലപ്രദമായ സഹായം ഇതുവരെ കിട്ടിയിട്ടില്ലെന്ന് മുഖ്യമന്ത്രി പറഞ്ഞു. 140.6 കോടി ആദ്യ ഗഡു നേരത്തെ നല്കിയതാണ്.
ജൂലൈ പതിനാറാം തീയതിയായിരുന്നു ദേശീയപാത 66-ല് ഷിരൂരില് മണ്ണിടിച്ചിലുണ്ടായത്. ചായക്കടയുടെ മുന്നില്നിന്നവരും സമീപം പാര്ക്ക് ചെയ്ത വാഹനങ്ങളുമാണ് മണ്ണിനടിയില് അകപ്പെട്ടത്. ചായക്കട ഉടമയും കുടുംബവും ഉള്പ്പടെ ഏഴുപേര് അപകടത്തില് മരിച്ചിരുന്നു. കാര്വാര് – കുംട്ട റൂട്ടില് നാലുവരിപ്പാത വികസിപ്പിക്കാനുള്ള പണികള് നടക്കുന്ന ഭാഗത്താണ് മണ്ണിടിച്ചിലുണ്ടായത്. മേപാടി നെടുമ്പാല, കല്പ്പറ്റ എല്സ്റ്റണ് എസ്റ്റ്റേറ്റ് എന്നീ രണ്ട് സ്ഥലങ്ങൾ ആണ് ടൗൺ ഷിപ്പ് പരിഗണിക്കുന്നത്. നിയമ വശം പരിശോധിക്കും. ആദ്യ ഘട്ടത്തിൽ വീടും സ്ഥലവും നഷ്ടപ്പെട്ടവരെ പുനരധിവസിപ്പിക്കുമെന്നും മുഖ്യമന്ത്രി പിണറായി വിജയൻ പറഞ്ഞു. വയനാട് ദുരന്തത്തിൽ കുടുംബാംഗങ്ങളെ നഷ്ടപ്പെട്ട ശ്രുതിയുമായി വിവാഹം നിശ്ചയിച്ചിരുന്ന ജെൻസണ് കഴിഞ്ഞമാസം വാഹനാപകടത്തിൽ മരിച്ചിരുന്നു.