കോഴിക്കോട് നാദാപുരത്ത് സ്‌കൂൾ പരിസരത്ത് നിന്ന് 900 നിരോധിത പുകയില ഉൽപന്നങ്ങളുമായി ബിഹാർ സ്വദേശി പിടിയിൽ. ബിഹാർ സ്വദേശി മുഹമ്മദ് സർഫേ ആലം (38) ആണ് പിടിയിലായത്. നാദാപുരം എസ് ഐ അനീഷ് വടക്കേടത്തും സംഘവുമാണ് പ്രതിയെ പിടികൂടിയത്. പരിശോധനയിൽ പ്രതിയിൽ നിന്ന് വിൽപ്പനക്ക് സൂക്ഷിച്ച 900 പാക്കറ്റ് നിരോധിത പുകയില ഉൽപ്പന്നങ്ങൾ പൊലീസ് കണ്ടെടുത്തു.
പോലീസ് പട്രോളിങ്ങിനിടെയാണ് പ്രതിയെ പിടികൂടിയത്. സംസ്ഥാനത്തിന് പുറത്ത് നിന്ന് റെയിൽ മാർഗമാണ് മയക്കുമരുന്ന് എത്തിച്ചതെന്ന് പ്രതികൾ പോലീസിനോട് പറഞ്ഞു. പ്രതിയെ അറസ്റ്റ് ചെയ്തതായി പോലീസ് അറിയിച്ചു.
