പെരുമ്പാവൂര്‍ : സെൻ്റ് മേരീസ് ഹൈസ്കൂളിന്റെ 74 ആം വാർഷീകം ആഘോഷിച്ചു.സ്കൂൾ കോമ്പൗണ്ടിൽ നിർമിച്ച ഇൻഡോർ സ്റ്റേഡിയത്തിൻ്റെ ഉൽഘാടനം യാക്കോബായ സഭ പെരുമ്പാവൂർ മെത്രാ പോലീത്ത മാത്യൂസ് മാർ അഫ്രേം നിർവഹിച്ചു.
എം പി ഫണ്ടിൽ നിന്നും അനുവദിച്ച ഓപ്പൺ എയർ സ്റ്റേജിൻ്റെ ഉൽഘാടനം ശ്രീ ബെന്നി ബഹനാൻ എം പി യും എം എൽ എ ഫണ്ടിൽനിന്ന് അനുവദിച്ച ടോയ്‌ലെറ്റ് കോംപ്ലക്സിൻ്റെ ഉൽഘാടനം എൽദോസ് കുന്നപ്പിള്ളി എം എൽ എ യും നിർവഹിച്ചു. മുൻ എം എൽ എ സാജു പോൾ മുഖ്യ പ്രഭാഷണം നടത്തി.
ക്രാരിയേലി സെൻ്റ് മേരീസ് ചർച്ച് വികാരി ഫാ. ഷാജൻ വി അബ്രഹാമിൻ്റെ അധ്യക്ഷതയിൽ ചേർന്ന യോഗത്തിൽ സ്കൂൾ മാനേജർ ശ്രീ സാജു കുരിയാക്കോസ് സ്വാഗതം ആശംസിച്ചു. “ഖേലോ ഇന്ത്യ” ടീമിലേക്ക് തിരഞ്ഞെടുക്കപ്പെട്ട സോനാ മോൾ എൽദോ എയ്ഞ്ചൽ എൽദോ എന്നീ വിദ്യാർത്ഥികളെ വെങ്ങൂർ ഗ്രാമ പഞ്ചായത്ത് പ്രസിഡൻ്റ് ശില്പ സുധീഷ് അനുമോദിച്ചു.
സംസ്ഥാന ബഡ്സ് സ്കൂൾ കലോത്സവം ‘തില്ലാന’ യിൽ നാടോടി നൃത്തത്തിൽ രണ്ടാം സ്ഥാനം കരസ്ഥമാക്കിയ അനോയൻ്റ് അരവിന്ദിനെ ചടങ്ങിൽ അനുമോദിച്ചു.
