കൊച്ചി: എറണാകുളം ജില്ലയില് ഒരാള്ക്ക് സിക വൈറസ് സ്ഥിരീകരിച്ചു. തിരുവനന്തപുരത്ത് ആരോഗ്യപ്രവര്ത്തകയായി ജോലിനോക്കുന്ന 34 വയസ്സുള്ള വാഴക്കുളം സ്വദേശിനിക്കാണ് രോഗം ബാധിച്ചത്. ഇവര് ഈ മാസം 12ന് തിരുവനന്തപുരത്തുനിന്ന് എറണാകുളത്ത് എത്തിയശേഷം രോഗലക്ഷണങ്ങള് കണ്ടതിനെത്തുടര്ന്ന് 14ന് സാംപിള് ശേഖരിച്ചിരുന്നു. തുടർന്നാണ് രോഗം സ്ഥികരിച്ചത്.
ആലപ്പുഴ വൈറോളജി ഇന്സ്റ്റിറ്റ്യൂട്ടിലെ ലാബില് നടത്തിയ പരിശോധനയിലാണ് രോഗം സ്ഥിരീകരിച്ചത്. ഇവരുടെ ആരോഗ്യനില തൃപ്തികരമാണെന്ന് അധികൃതർ അറിയിച്ചു. കുടുംബാംഗങ്ങള്ക്കാര്ക്കും രോഗലക്ഷണം ഇല്ല. പ്രദേശത്ത് പ്രതിരോധ പ്രവര്ത്തനങ്ങള് ശക്തമാക്കി. ജില്ലതല ഉദ്യോഗസ്ഥര് പ്രദേശത്ത് സന്ദര്ശനം നടത്തുകയും ആര്.ആര്.ടി യോഗം ചേരുകയും ചെയ്തു.
ജില്ല വെക്ടര് കണ്ട്രോള് യൂനിറ്റിെന്റയും വാഴക്കുളം കുടുംബാരോഗ്യകേന്ദ്രത്തിെന്റയും നേതൃത്വത്തില് പ്രദേശത്ത് ഫോഗിങ്, ഇന്ഡോര് സ്പ്രേയിങ് തുടങ്ങി കൊതുക് നശീകരണപ്രവര്ത്തനങ്ങള് നടത്തിവരുകയാണ്. അതോടൊപ്പം തന്നെ പ്രദേശത്തെ ഗര്ഭിണികളായ സ്ത്രീകളെ പരിശോധിച്ചതില് ആര്ക്കും രോഗലക്ഷണങ്ങള് ഇല്ല. സംസ്ഥാനത്ത് സിക റിപ്പോര്ട്ട് ചെയ്ത പശ്ചാത്തലത്തില് ജില്ലയിലും പ്രതിരോധ പ്രവര്ത്തനങ്ങള് ശക്തമാക്കിയിരിക്കുകയാണ്.
