മൂവാറ്റുപുഴ : ജനറൽ ആശുപത്രിയിൽ വൃക്ക രോഗികളുടെ സംഗമവും ഡയലൈസർ വിതരണവും നടത്തി. നഗരസഭ ചെയർമാൻ പിപി എൽദോസ് ഉദ്ഘാടനം ചെയ്തു. ഹെൽത്ത് സ്റ്റാൻ്റിംഗ് കമ്മിറ്റി ചെയർമാൻ പി എം അബ്ദുൽസലാം അധ്യക്ഷത വഹിച്ചു. സ്റ്റാൻ്റിംഗ് കമ്മിറ്റി ചെയർമാൻമാരായ ജോസ് കുര്യാക്കോസ്, നിസ അഷറഫ്, കൗൺസിലർമാരായ ജോളി മണ്ണൂർ, നെജില ഷാജി, അമൽ ബാബു , സെബി കെ സണ്ണി,
ഡോ. മീന, ഡോ. ജോസഫ് ചാക്കോ, ഡോ.ജെല്ലി ജോർജ് സാബു ജോർജ് (റെഡ് ക്രോസ് ) എന്നിവർ സംസാരിച്ചു. ആശാവർക്കർമാർ പാലിയേറ്റീവ് പ്രവർത്തകർ ആശുപത്രി ജീവനക്കാർ വൃക്ക രോഗികൾ എന്നിവർ പങ്കെടുത്തു..
ഹെൽത്ത് സ്റ്റാൻ്റിംഗ് കമ്മറ്റി ചെയർമാൻ പിഎം അബ്ദുൽ സലാമിന്റെ ഓണറേറിയം ഉപയോഗിച്ചാണ് വൃക്ക രോഗികൾക്ക് ഡയലൈസറുകൾ വാങ്ങി നൽകിയത്. മൂവാറ്റുപുഴ ജനറൽ ആശുപത്രിയിൽ രജിസ്റ്റർ ചെയ്ത 20 പേർക്കാണ് ആദ്യഘട്ടത്തിൽ ഡയലൈസർ വിതരണം ചെയ്തത്.
