ഇന്ത്യന്‍ മുന്‍ ക്രിക്കറ്റ് താരം ശ്രീശാന്ത് നായകനാകുന്ന ചിത്രത്തില്‍ നായികയായി സണ്ണി ലിയോണ്‍. ആര്‍ രാധാകൃഷ്ണന്‍ സംവിധാനം ചെയ്യുന്ന പട്ടാ എന്ന ബോളിവുഡ് ചിത്രത്തിലാണ് ഇരുവരും ഒരുമിച്ച് അഭിനയിക്കുന്നത്.
സിബിഐ ഓഫീസർ ആയിട്ടാണ് ശ്രീശാന്ത് ചിത്രത്തിൽ എത്തുന്നത്. ഓഫീസര്‍ കഥാപാത്രത്തിൻ്റെ അന്വേഷണം ചെന്നെത്തുന്നത് ഒരു സ്ത്രീയിലാണ്. ആ കഥാപാത്രം അവതരിപ്പിക്കാന്‍ വളരെ ശക്തയായ ഒരു സ്ത്രീ തന്നെ വേണമെന്നും അതിന് സണ്ണി ലിയോണായിരിക്കും നല്ലതെന്നും സംവിധായകന്‍ ആര്‍ രാധാകൃഷ്ണന്‍ പറഞ്ഞു.
എന്‍.എന്‍.ജി ഫിലിംസിൻ്റെ ബാനറില്‍ നിരുപ് ഗുപ്തയാണ് ചിത്രം നിര്‍മിക്കുന്നത്. ആക്ഷനും സംഗീതത്തിനും പ്രാധാന്യമുളള ഒരു പൊളിറ്റിക്കല്‍ ത്രില്ലറാണ് പട്ടാ. ശ്രീശാന്തിനും സണ്ണി ലിയോണിനുമൊപ്പം ബോളിവുഡിലെ പ്രമുഖ താരങ്ങളും ചിത്രത്തിൽ അഭിനയിക്കുന്നുണ്ട്. ഛായാഗ്രഹണം പ്രകാശ് കുട്ടി, എഡിറ്റിംഗ് സുരേഷ് യു.ആര്‍.എസ്, സംഗീതം സുരേഷ് പീറ്റേഴ്‌സ്, സ്‌പോട്ട് എഡിറ്റിംഗ് രതിന്‍ രാധാകൃഷ്ണന്‍, കോറിയോഗ്രാഫി ശ്രീധര്‍, കലസജയ് മാധവന്‍, ഡിസൈന്‍സ് ഷബീർ.
