കോട്ടയം: എംജി സര്‍വകലാശാലയില്‍ നിന്നും പേരെഴുതാത്ത ബിരുദ സര്‍ട്ടിഫിക്കറ്റ് ഫോര്‍മറ്റുകള്‍ കാണാതായി. സര്‍വകലാശാല വിവരം ഔദ്യോഗികമായി സ്തരീകരിച്ചു. സെക്ഷനില്‍ വിശദമായ പരിശോധന നടത്താന്‍ വൈസ് ചാന്‍സലര്‍ പരീക്ഷ കണ്‍ട്രോളര്‍ക്ക് നിര്‍ദ്ദേശം നല്‍കി. സര്‍ട്ടിഫിക്കറ്റുകള്‍ കണ്ടെത്താനായില്ലെങ്കില്‍ വൈകിട്ടോടെ പോലീസില്‍ പരാതി നല്‍കുമെന്ന് സര്‍വകലാശാല അറിയിച്ചു.
പേരെഴുതാത്ത 54 ബിരുദ സര്‍ട്ടിഫിക്കറ്റ് ഫോര്‍മാറ്റുകളാണ് എംജി സര്‍വകലാശാലയില്‍ നിന്ന് കാണാതായത്. സര്‍ട്ടിഫിക്കറ്റുകള്‍ ബന്ധപ്പെട്ട സെക്ഷനില്‍ തന്നെ മറ്റെവിടെയെങ്കിലും സ്ഥാനം മാറി പോയതാണോയെന്ന് പരിശോധന നടത്തുകയാണ്. ഇക്കാര്യം സ്ഥിരീകരിച്ച ശേഷമായിരിക്കും പോലീസിനെ വിവരമറിയിക്കുകയെന്നും സര്‍വ്വകലാശാല അറിയിച്ചു.
