കൊച്ചി: എംഎസ്എഫ് ഹരിത എറണാകുളം ജില്ലാ കമ്മിറ്റിയുടെ ആഭിമുഖ്യത്തിൽ ആരംഭിക്കുന്ന സൗജന്യ എൽഎൽബി എൻട്രൻസ് കോച്ചിംഗിന് ഇന്ന് തുടക്കമാവും.എറണാകുളം ലീഗ് ഹൗസിലെ സീതി സാഹിബ് ഹാളിൽ രാവിലെ 10:30ക്ക് മുസ്ലിംലീഗ് ജില്ലാ ജന.സെക്രട്ടറി അഡ്വ.വി.ഇ അബ്ദുൽ ഗഫൂർ സാഹിബ് ഉദ്ഘാടന കർമ്മം നിർവ്വഹിക്കും.കേരള ബാർ കൗൺസിൽ മെമ്പറായി തെരഞ്ഞെടുക്കപ്പെട്ട അഡ്വ.മുഹമ്മദ് ഷാക്ക് ചടങ്ങിൽ സ്വീകരണം നൽകും. തുടർന്ന് അഡ്വ.മുഹമ്മദ് ഷാ വിദ്യാർത്ഥികൾക്ക് ഓറിയന്റേഷൻ ക്ലാസ് നൽകും. ഹൈക്കോടതി അഭിഭാഷകൻ അഡ്വ.സജൽ ആദ്യ ദിനത്തെ ക്ലാസുകൾ നൽകും. ചടങ്ങിൽ വനിതാ ലീഗ്, യൂത്ത് ലീഗ്, എംഎസ്എഫ്, ഹരിത ജില്ലാ നേതാക്കൾ സംബന്ധിക്കുമെന്നും ഇതുവരെ കോച്ചിംഗിൽ രജിസ്റ്റർ ചെയ്യാനാവാത്ത വിദ്യാർത്ഥികൾക്ക് സ്പോട്ട് രജിസ്ട്രേഷനുള്ള സൗകര്യമുണ്ടാവുമെന്നും എംഎസ്എഫ് ഹരിത എറണാകുളം ജില്ലാ ജന.സെക്രട്ടറി തസ്നി നിഷാദ് അറിയിച്ചു… Ph: +919895628628
