മൂവാറ്റുപുഴ:മൈലാഞ്ചി മൊഞ്ചില്‍ വിസ്മയം തീര്‍ത്ത് മുളവൂര്‍ ഗവ.യു പി സ്‌കൂളില്‍ മെഹന്തി ഫെസ്റ്റ്. ബലി പെരുന്നാള്‍ ആഘോഷത്തിന്റെ ഭാഗമായിട്ടാണ് മുളവൂര്‍ ഗവ യു പി സ്‌കൂളിലെ വിദ്യാര്‍ത്ഥികളുടെയും അധ്യാപകരുടെയും ജനപ്രതിനിധികളുടെയും പി ടി എ യുടെയും എം പി ടി എ യുടെയും നേതൃത്വത്തില്‍ മൈലാഞ്ചി ഇട്ടും മാപ്പിള പാട്ട് പാടിയും മെഹന്തി ഫെസ്റ്റ് ആഘോഷിച്ചത്.
മൈലാഞ്ചി കൊണ്ട് അധ്യാപകരും വിദ്യാര്‍ത്ഥികളും പരസ്പരം കൈകളില്‍ മൊഞ്ചേറും ചിത്രങ്ങളില്‍ വിസ്മയം തീര്‍ത്തത് ആളുകള്‍ക്ക് കൗതുക കാഴ്ചയായി. പഞ്ചായത്ത് പ്രസിഡന്റ് പി.എം അസീസ്, വാര്‍ഡ് മെമ്പര്‍ ബെസി എല്‍ദോ, ഹെഡ്മിസ്ട്രസ് എം എച്ച് സുബൈദ, പി ടി എ പ്രസിഡന്റ് ടി എം ഉബൈസ്, വൈസ് പ്രസിഡന്റ് നാസര്‍ തടത്തില്‍, എം പി ടി എ ചെയര്‍പേഴ്‌സണ്‍ ജിഷ പ്രഭു.എം പി ടി എ വൈസ് ചെയര്‍പേഴ്‌സണ്‍ രഷ്മി ബേസില്‍, മുന്‍ പി ടി എ പ്രസിഡന്റ് മാരായ ജലീല്‍ പനയ്ക്കല്‍, പി പി അഷറഫ്, അധ്യാപകരായ കെ എം തസ്‌നി, റ്റി.തസ്‌കിന്‍, അനുമോള്‍.കെ.എസ്, കദീജ കുഞ്ഞുമുഹമ്മദ്, എം പി സുമോള്‍, കെ എം ബബിത, എന്നിവര്‍ സംബന്ധിച്ചു.
