പെരുമ്പാവൂര്‍ : കല്ലില്‍ ഗവ ഹയര്‍ സെക്കന്ററി സ്‌കൂള്‍ വികസന ഫണ്ട് സമാഹ രണത്തിനായി ഓഗസ്റ്റ് 18 ന് സംഘടിപ്പിക്കുന്ന ബിരിയാണി ചലഞ്ചിന്റെ കൂപ്പണ്‍ വിതരണ ഉദ്ഘാടനം അഡ്വ. എല്‍ദോസ് പി കുന്നപ്പിള്ളില്‍ എം എല്‍ എ നിര്‍വഹിച്ചു. മുന്‍ പിടിഎ പ്രസിഡണ്ട് സുജു ജോണി ആദ്യ കൂപ്പണ്‍ ഏറ്റുവാങ്ങി. സ്‌കൂള്‍ വികസന സമിതി പ്രസിഡണ്ട് എന്‍ എന്‍ കുഞ്ഞ് അധ്യക്ഷനായിരുന്നു.
ഗ്രാമ പഞ്ചായത്ത് പ്രസിഡണ്ട് ഷിജി ഷാജി, ജില്ല പഞ്ചായത്ത് മെമ്പര്‍ ഷൈമി വര്‍ഗീസ്, ഗ്രാമപഞ്ചായത്ത് വികസന കാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ സുബി ഷാജി, വിദ്യാഭ്യാസകാര്യ സ്റ്റാന്റിംഗ് കമ്മറ്റി ചെയര്‍പേഴ്‌സണ്‍ ഗീത രാജീവ്, ഗ്രാമപഞ്ചായത്ത് അംഗങ്ങളായ ജിജു ജോസഫ്, പി രഘുകുമാര്‍, പി ടി എ വൈസ് പ്രസിഡന്റ് പി എസ് രാജന്‍, മുന്‍ പി ടി എ പ്രസിഡന്റ് വി പി സലീം, അധ്യാപകരായ ജിഷ വി ജോണ്‍, പി വി സജീവ് കുമാര്‍ എന്നിവര്‍ സംസാരിച്ചു. സ്‌കൂള്‍ ഹെഡ്മിസ്ട്രസ് വിനു വര്‍ഗീസ് സ്വാഗതവും പിടിഎ പ്രസിഡണ്ട് ടി എച്ച് ഷംസുദ്ദീന്‍ നന്ദിയും പറഞ്ഞു.
