സംസ്ഥാനത്തെ സ്‌കൂളുകള്‍ക്ക് കൈറ്റ് വഴി 36,666 ലാപ്ടോപ്പുകള് നല്‍കുമെന്ന് വിദ്യാഭ്യാസ മന്ത്രി വി ശിവന്‍കുട്ടി. സര്‍ക്കാര്‍ എയിഡഡ് സ്‌കൂളുകളില്‍ 2023 ജനുവരി-മാര്‍ച്ച് മാസങ്ങളിലായി ലാപ്ടോപ്പുകള് ലഭ്യമാക്കും. മൂന്നു വിഭാഗങ്ങളിലായാണ് ഈ ലാപ്ടോപ്പുകള് ലഭ്യമാക്കുന്നത്.
ഹൈടക് സ്‌കൂള്‍ സ്‌കീമില്‍ ലാബുകള്‍ക്കായി 16500 പുതിയ ലാപ്ടോപ്പുകള് നല്‍കും. വിദ്യാകിരണം പദ്ധതി പുതിയ ടെണ്ടറിലൂടെ 2360 ലാപ്ടോപ്പുകള് നല്‍കും. വിദ്യാകിരണം പുനഃക്രമീകരണത്തിലൂടെ 17506 ലാപ്ടോപ്പുകള് നല്‍കുമെന്ന് മന്ത്രി പറഞ്ഞു. സ്‌കൂളുകള്‍ക്ക് ഹൈടെക് ലാബുകള്‍ക്കായി ലാപ്ടോപ്പുകള് അനുവദിക്കുന്നത് ഹൈസ്‌കൂള്‍, ഹയര്‍ സെക്കന്ററി-വൊക്കേഷണല്‍ ഹയര്‍ സെക്കന്ററി വ്യത്യാസമില്ലാതെ പൊതുവായി ഉപയോഗിക്കാനാണെന്നും മന്ത്രി പറഞ്ഞു. ഇത് പാലിക്കുന്നുണ്ടോ എന്ന് പൊതുവിദ്യാഭ്യാസ വകുപ്പ് നിരീക്ഷിക്കും.
