ആലുവ: എം.ജി സര്‍വകലാശാലക്ക് കീഴിലെ മികച്ച എന്‍.എസ്.എസ് യൂണിറ്റുകള്‍ക്കായി ഡോ. എ.പി.ജെ. അബ്ദുല്‍കലാം സ്റ്റഡി സെന്റര്‍ ഏര്‍പ്പെടുത്തിയ ‘കേരളീയം’ പുരസ്‌കാരം ആലുവ സെന്റ് സേവ്യേഴ്‌സ് കോളേജ് എന്‍.എസ്.എസ് യൂണിറ്റിന് ലഭിച്ചു.
അന്‍വര്‍ സാദത്ത് എം.എല്‍.എയില്‍ നിന്നും കോളേജ് എന്‍.എസ്.എസ് പ്രോഗ്രാം ഓഫീസര്‍ ഡോ. നിനു റോസ്, എന്‍.എസ്.എസ് വളണ്ടിയര്‍ സെക്രട്ടറിമാരായ അഷ്‌ന ആന്റണി, സാന്ദ്ര, എയ്ഞ്ചല്‍ എന്നിവര്‍ ചേര്‍ന്ന് ട്രോഫി ഏറ്റുവാങ്ങി. സ്റ്റഡി സെന്റെര്‍ ഡയറക്ടര്‍ പൂവച്ചല്‍ സുധീര്‍ അദ്ധ്യക്ഷത വഹിച്ചു. അഡീ. അഡ്വക്കേറ്റ് ജനറല്‍ അഡ്വ. കെ.പി. ജയചന്ദ്രന്‍ സ്‌നേഹാദരവ് സമ്മാനിച്ചു. ആലുവ നഗരസഭാ ചെയര്‍മാന്‍ എം.ഒ. ജോണ്‍, ബാംബു കോര്‍പ്പറേഷന്‍ ചെയര്‍മാന്‍ ടി.കെ. മോഹനന്‍ നഗരസഭാ പ്രതിപക്ഷനേതാവ് ഗെയില്‍സ് ദേവസി പയ്യപ്പിള്ളി, നടന്‍ സേവ്യര്‍ പുല്‍പ്പാട്, നടി പ്രിയങ്ക, കെ.ജെ.യു സംസ്ഥാന ജനരല്‍ സെക്രട്ടറി കെ.സി. സ്മിജന്‍, എം.കെ.കെ.ഫൗണ്ടേഷന്‍ ചെയര്‍മാന്‍ പൂവച്ചല്‍ നാസര്‍ തുടങ്ങിയവര്‍ സംസാരിച്ചു.
