കൊച്ചി: എഴുത്തുകാരനും അധ്യാപകനുമായ പ്രഫ.സി.ആര്‍.ഓമനക്കുട്ടന്‍ അന്തരിച്ചു. സിനിമാമാസിക, പ്രഭാതം, ഗ്രന്ഥാലോകം എന്നിവയില്‍ പത്രപ്രവര്‍ത്തനം നടത്തിയ ഓമനക്കുട്ടന്‍, നാലു വര്‍ഷത്തിലേറെ കേരള സര്‍ക്കാരിന്റെ പബ്ളിക് റിലേഷന്‍സ് വകുപ്പില്‍ ജോലി ചെയ്തു. പിന്നീട് സര്‍ക്കാര്‍ കോളജുകളില്‍ മലയാളം ലക്ചറര്‍ ആയും പ്രവര്‍ത്തിച്ചു. ഏറെക്കാലം എറണാകുളം മഹാരാജാസ് കോളജില്‍ അധ്യാപകനായിരുന്നു. മുപ്പത്തഞ്ചു വര്‍ഷത്തോളമായി സാഹിത്യരംഗത്ത് പ്രവര്‍ത്തിക്കുന്നു.
പരിഭാഷകള്‍ ഉള്‍പ്പെടെ 20 പുസ്തകങ്ങള്‍ എഴുതി. ശ്രീഭൂതനാഥ വിലാസം നായര്‍ ഹോട്ടല്‍ എന്ന കൃതി സാഹിത്യ അക്കാദമി അവാര്‍ഡ് നേടി. 1943 ഫെബ്രുവരി 13ന് കോട്ടയത്തായിരുന്നു ജനനം. നീ സത്യം ജ്ഞാനം ആനന്ദം, കാല്‍പാട്, ഓമനക്കഥകള്‍,പകര്‍ന്നാട്ടം,ശവം തീനികള്‍ എന്നിവയാണ് പ്രധാന കൃതികള്‍.കോട്ടയം തിരുനക്കര സ്വദേശിയാണ്. സംവിധായകന്‍ അമല്‍ നീരദ് മകനാണ്.
