കോഴിക്കോട്: കോഴിക്കോട് ജില്ലയിലെ മുതിര്ന്ന സിപിഐഎം നേതാവും മുന് എംഎല്എയുമായ സി പി കുഞ്ഞ് അന്തരിച്ചു. 93 വയസായിരുന്നു. കോഴിക്കോട് ജില്ലാ സഹകരണ ആശുപത്രിയില് ചികിത്സയിലിരിക്കെയാണ് മരണം.സിപിഐഎം ജില്ലാ സെക്രട്ടറിയേറ്റ് അംഗമായിരുന്ന അദ്ദേഹം 1987 മുതല് 1991 വരെ കോഴിക്കോട് 2 ല് നിന്ന് നിയമസഭാംഗമായിട്ടുമുണ്ട്. കോഴിക്കോട് കോര്പ്പറേഷന് ഡെപ്യൂട്ടി മേയര് സി പി മുസാഫര് അഹമ്മദ് മകനാണ്.
