ഹൃത്തിലാണ്ടുപോയ വൃണത്തെയകറ്റാൻ മനുഷ്യനല്ലാതെ മരുന്നിനാകുമോ ; ആലപ്പുഴയുടെ സ്വന്തം കവിയത്രി ഉമ്മുസ്വാബിറിന്റെ കവിത : വ്യണം

♦ഉമ്മുസ്വാബിര്‍
പഴുത്തുപൊട്ടിയൊലിച്ചു
ചീഞ്ചലമായി ഒഴുകിടും
വൃണത്തിനുമുണ്ടാകും
കഥകളേറെപറയാന്‍…

ആഘാതമേല്‍ക്കും മുറിവുകള്‍
പൊടിപൊടിപടലങ്ങളാലുള്ളുപൊള്ളി
പുറം ചാടുമ്പോളതിനെ
വൃണമല്ലാതെന്തുവിളിക്കാന്‍.

അഹംഭാവത്തിന്‍ വേരുകള്‍
ഹൃത്തിലാണ്ടുപോയാല്‍
വൃണത്തിനും മേലെയായി
മാറീടുമൊരിക്കല്‍

ആനന്ദത്തിന്‍തെളിനീരുറവ
പൊട്ടി തൊലിപ്പുറത്തെ
വൃണമങ്ങു മാഞ്ഞീടവേ…..

ഹൃത്തിലാണ്ടുപോയ
വൃണത്തെയകറ്റാന്‍
മനുഷ്യനല്ലാതെ
മരുന്നിനാകുമോ……?