മൂവാറ്റുപുഴ: ഈസ്റ്റ് വാഴപ്പിള്ളി നരപ്പ് സ്വദേശിയും പ്രിയ കവിയും ഈസ്റ്റ് വാഴപ്പിള്ളി പീപ്പിള്‍സ് ലൈബ്രറിയുടെ മുന്‍ പ്രസിഡന്റായ താജുദ്ദീന്‍ മൗലവിയുടെ മകനുമായ അസ്ലം തൈപ്പറമ്പിലിന്റെ ‘തിരസ്‌കൃതന്റെ കയ്യക്ഷരം’എന്ന കവിതാസമാഹാരവും കോട്ടക്കല്‍ സ്വദേശിനിയായ കവിയത്രി സിംന വാരിയത്ത് ടീച്ചറിന്റെ ‘നിഷേധിയുടെ തോറ്റം’ എന്ന കവിതാസമാഹാരവും പീപ്പിള്‍സ് ലൈബ്രറി താജുദ്ദീന്‍ മൗലവി ഹാളില്‍ നടന്ന ചടങ്ങില്‍ ലൈബ്രറിക്കായി സമര്‍പ്പിച്ചു. ഇതോടൊപ്പം കേരള സംസ്ഥാനത്ത് മികച്ച അദ്ധ്യാപകനുള്ള അവാര്‍ഡ് നേടിയ കെ.എം. നൗഫലിനെ ആദരിച്ചു. സമ്മേളനം പായിപ്ര ഗ്രാമപഞ്ചായത്ത് വൈസ് പ്രസിഡന്റ് നിസ ടീച്ചര്‍ ഉദ്ഘാടനം ചെയ്തു. ലൈബ്രറി വൈസ് പ്രസിഡന്റ് രാജു കാരിമറ്റം അദ്ധ്യക്ഷത വഹിച്ചു. ലൈബ്രറി സെക്രട്ടറി സമദ് മുടവന സ്വാഗതം പറഞ്ഞു. വാര്‍ഡ് മെമ്പര്‍ ദീപ റോയി, കെ.എം.നൗഫല്‍, കവിയത്രി സിംന വാരിയത്ത്, രസ്‌ന അസ്ലം, പി എ മൈതീന്‍, പി.എ അബ്ദുല്‍ സമദ്, എ എന്‍ മണി, എം.വി സുഭാഷ്, സിഎം ഷുക്കൂര്‍, സുമേഷ് കുന്നുമ്മല്‍, ലിസോ മോള്‍ ജെസ്ലറ്റ്, ഹന അസ്ലം, മോഹിഷ അഭിലാഷ്, പ്രീതാ ദിനേശ് തുടങ്ങിയവര്‍ സംസാരിച്ചു.
