എറണാകുളം കിഴക്കമ്പലത്ത് കിറ്റക്സ് തൊഴിലാളികള്‍ പൊലീസിനെ അക്രമിച്ച സംഭവത്തില്‍ പ്രത്യേക സംഘത്തിന്റെ അന്വേഷണം ഇന്ന് ആരംഭിക്കും. പെരുമ്പാവൂര്‍ എഎസ്പി അനൂജ് പലിവാലിന്റെ നേതൃത്വത്തില്‍ 19 അംഗ സംഘമാണ് കേസന്വേഷിക്കുന്നത്. രണ്ട് ഇന്‍സ്പക്ടര്‍മാരും ഏഴു സബ് ഇന്‍സ്പക്ടര്‍മാരും അന്വേഷണ സംഘത്തിലുണ്ട്.
കൂടുതല്‍ പ്രതികളുണ്ടെന്നാണ് പൊലീസിന്റെ വിലയിരുത്തല്‍. ഇത് കണ്ടെത്താന്‍ കൂടുതല്‍ സിസിടിവി- മൊബൈല്‍ ഫോണ്‍ ദൃശ്യങ്ങള്‍ പരിശോധിക്കും. കേസില്‍ ഇതുവരെ 164 പേരാണ് അറസ്റ്റിലായത്.
