താമരശ്ശേരിയില്‍ ഏഴാം ക്ലാസുകാരിയെ അശ്ലീല ദൃശ്യങ്ങള്‍ കാണിച്ച അധ്യാപികയെ അറസ്റ്റു ചെയ്തു. താമരശ്ശേരി വെഴുപ്പൂര്‍ അമ്പലക്കുന്ന് ലീലാമണി(35)യെ ആണ് താമരശ്ശേരി പോലീസ് അറസ്റ്റ് ചെയ്തത്. അധ്യാപികയുടെ വീടിനടുത്തുള്ള സഥലത്ത്‌ കുട്ടി കളിക്കാന്‍ ചെന്നപ്പോഴാണ് സംഭവം നടന്നത്. കുട്ടിയെ വീട്ടിലോട്ട്‌ വിളിച്ച് അധ്യാപിക ഫോണില്‍ അശ്ലീല ദൃശ്യങ്ങള്‍ കാണിക്കുകയായിരുന്നു. പരാതി ലഭിച്ച ഉടന്‍ പോക്സോ നിയമപ്രകാരം കേസെടുത്ത പോലീസ് സൈബര്‍ സെല്ലിന്റെ സഹായത്തോടെ അന്വേഷണം നടത്തുകയും പരാതി സത്യമാണെന്നുള്ള തെളിവുകള്‍ ശേഖരിക്കുകയും ചെയ്ത ശേഷമാണ് അധ്യാപികയെ അറസ്റ്റ് ചെയ്തത്.
ചൈല്‍ഡ് ലൈന്‍ അന്വേഷണത്തിന് ശേഷം പോലീസില്‍ നല്‍കിയ പരാതിയെ തുടര്‍ന്നാണ് പോക്സോ വകുപ്പ് ചുമത്തി അറസ്റ്റു ചെയ്തത്. സ്വകാര്യ സ്‌കൂളില്‍ താല്‍ക്കാലിക അധ്യാപികയാണ് ലീലാമണി. കോഴിക്കോട് പോക്സോ കോടതിയില്‍ ഹാജരാക്കിയ ഇവരെ 14 ദിവസത്തേക്ക് റിമാന്റ് ചെയ്ത് മഞ്ചേരി സബ് ജയിലിലേക്കയച്ചു.
