കോഴിക്കോട്: കരിപ്പൂര്‍ വിമാനത്താവളത്തില്‍ വന്‍ സ്വര്‍ണവേട്ട. രണ്ട് യാത്രക്കാരില്‍ നിന്നായി 2.545 കിലോ സ്വര്‍ണമാണ് പിടികൂടിയത്. പിടിച്ചെടുത്ത സ്വര്‍ണത്തിന് 1.22 കോടി രൂപ വിലവരും. സംഭവത്തില്‍ ഷാര്‍ജയില്‍ നിന്ന് എയര്‍ അറേബ്യ വിമാനത്തിലെത്തിയ തിരുനാവായ, തിരൂര്‍ സ്വദേശികളെയാണ് പിടികൂടിയത്.
പിടിയിലായ തിരുനാവായ സ്വദേശിയില്‍ നിന്ന് 1.48 കിലോ സ്വര്‍ണമാണ് കണ്ടെടുത്തത്. ശരീരത്തിനുള്ളിലും പാന്റില്‍ രഹസ്യ അറ ഉണ്ടാക്കിയായിരുന്നു സ്വര്‍ണം കടത്താന്‍ ശ്രമിച്ചത്.
