ഫാഷന്‍ ഗോള്‍ഡ് നിക്ഷേപ തട്ടിപ്പ് മുഖ്യപ്രതി ടി.കെ. പൂക്കോയ തങ്ങള്‍ കീഴടങ്ങി. കീഴടങ്ങിയത് കാസര്‍കോട് ഹോസ്ദുര്‍ഗ് കോടതിയിലാണ്. ഫാഷന്‍ ഗോള്‍ഡ് ഗ്രൂപ്പ് എം.ഡിയായ പൂക്കോയ തങ്ങള്‍ ഒളിവില്‍ കഴിഞ്ഞത് ഒന്‍പതുമാസമാണ്.
ക്രൈംബ്രാഞ്ചും ഇഡിയും ലുക്ക് ഔട്ട് നോട്ടിസും പുറത്തിറക്കിയിരുന്നു. നവംബറില്‍ മുന്‍ മഞ്ചേശ്വരം എം.എല്‍.എ. എം സി കമറുദ്ദീനെ അറസ്റ്റ് ചെയ്തതോടെയാണ് പൂക്കോയ തങ്ങള്‍ ഒളിവില്‍ പോയത്.
കമറുദ്ദീനും ലീഗ് പ്രാദേശിക നേതാവായ പൂക്കോയ തങ്ങളും പ്രതിയായ ഫാഷന്‍ ഗോള്‍ഡ് കേസില്‍ നൂറിലേറെ പരാതികളായിരുന്നു ലഭിച്ചത്. കാസര്‍ഗോട്ടെയും കണ്ണൂരിലേയും വിവിധ പൊലീസ് സ്റ്റേഷനുകളില്‍ലായിരുന്നു കേസുകള്‍ രജിസ്റ്റര്‍ ചെയ്തത്. തുടര്‍ന്ന് കമറുദ്ദീനെ പൊലീസ് അറസ്റ്റ് ചെയ്ത് ജയിലിലടക്കുകയും ചെയ്തു.
90 ദിവസത്തിലധികം കണ്ണൂര്‍ സെന്‍ട്രല്‍ ജയിലില്‍ കിടന്ന അദ്ദേഹം മുഴുവന്‍ കേസുകളിലും ജാമ്യം ലഭിച്ച ശേഷം പുറത്തിറങ്ങുകയായിരുന്നു.
