സ്വപ്ന പുറത്തു വിട്ട ശബ്ദരേഖയില്‍ ഷാജ് കിരണ്‍ പറയുന്ന എഡിജിപിയേയും സ്വാമിജിയേയും തേടി മാധ്യമങ്ങള്‍. തലസ്ഥാനത്തുള്ള എഡിജിപിമാരില്‍ ഒരാള്‍ അല്ലെങ്കില്‍ അങ്ങനെ ഒരാളുണ്ടെന്ന് സ്വപ്നയെ ധരിപ്പിക്കാന്‍ ഷാജ് കിരണിന്റെ ശ്രമം സംഭാക്ഷണത്തിലുണ്ട്. അദ്ദേഹത്തെ തലസ്ഥാനത്തെത്തി കണ്ട് പ്രശ്നം പരിഹരിക്കാന്‍ ഷാജ് കിരണ്‍ സ്വപ്‌നയോട് ആവശ്യപ്പെടുന്നു. അതേസമയം ഈ എഡിജിപി ആരെന്നറിയില്ലന്ന് സ്വപ്ന പറയുന്നുണ്ട്.
എന്നാല്‍ ഇത് ലോ- ആന്റ് ഓര്‍ഡര്‍ അല്ലങ്കില്‍ വിജിലന്‍സ് എന്നാണ് സ്വപ്ന പറയുന്നത്. അതേസമയം സംഭാക്ഷണത്തില്‍ സ്വാമിയേ കാണാനും നിര്‍ദ്ദേശമുണ്ട്. ഏറെ വിവാദങ്ങളുണ്ടാക്കിയ ഇപ്പോള്‍ തലസ്ഥാനത്തിന് പുറത്തുള്ള സ്വാമി ആണെന്ന സൂചനകളും പുറത്തു വരുന്നു. ഇതിനിടെ ഇവരാരെന്ന് കണ്ടെത്തണമെന്ന് സ്വപ്ന പറയുന്ന ഭാഗവും സംഭാക്ഷണത്തിലുണ്ട്.
