തൃശൂര്‍: പാലിയേക്കര ടോള്‍ പ്ലാസയില്‍ ലോറിയില്‍ ഒളിപ്പിച്ച്‌ കടത്താന്‍ ശ്രമിച്ച കഞ്ചാവ് പിടികൂടി. സംഭവത്തിൽ രണ്ടുപേര്‍ അറസ്റ്റിലായി. അരുണ്‍, ഷണ്മുഖദാസ് എന്നിവരാണ് അറസ്റ്റിൽ ആയത്. 160 കിലോഗ്രാം കഞ്ചാവ് ആണ് ഇവരിൽ നിന്നും പിടികൂടിയത്.
തമിഴ്‌നാട്ടില്‍ നിന്ന് എറണാകുളം ഭാഗത്തേക്ക് പോകുകയായിരുന്ന ലോറിയിൽ നിന്നുമാണ് കഞ്ചാവ് പിടികൂടിയത്. വാഹനത്തിലെ രഹസ്യ അറകള്‍ പരിശോധിച്ചപ്പോഴാണ് കഞ്ചാവ് കണ്ടെത്തിയത്. ചാലക്കുടി ഡിവൈഎസ്പിയുടെ നേതൃത്വത്തിലുള്ള സംഘമാണ് കഞ്ചാവ് പിടികൂടിയത്.
