സാറാ മറിയം
കൊച്ചി: സിനിമയില്‍ കൂടുതല്‍ അവസരങ്ങള്‍ വാഗ്ദാനം ചെയ്ത് പ്രലോഭിപ്പിച്ച് പീഡനം. നടനും നിര്‍മ്മാതാവുമായ വിജയ് ബാബുവിനെതിരെ പീഡന പരാതിയുമായി നായിക. എറണാകുളം സൗത്ത് പോലീസ് ബലാത്സംഗ കുറ്റം ചുമത്തി കേസെടുത്തു. ഇന്ന് പുലര്‍ച്ചയാണ് തന്റെ മുന്‍ നായികയുടെ പേരുവെളിപ്പെടുത്തി വിജയ്ബാബു ഫെയ്‌സ്ബുക്ക് ലൈവിലെത്തി. എട്ടോളം തവണയാണ് പരാതിക്കാരിയുടെ പേരെടുത്തു പറഞ്ഞ് വിജയ് ബാബു എത്തിയത്.
തന്റെ മുന്‍ നായികയെ എറണാകുളത്തെ ഫ്ലാറ്റില്‍ വെച്ച് നിരവധി തവണ ബലാത്സംഗം ചെയ്തെന്നാണ് പരാതി. ഈ മാസം 22നാണ് യുവതി വിജയ് ബാബുവിനെതിരെ പരാതിയുമായി പോലീസിനെ സമീപിച്ചത്. വിജയ് ബാബുവിനെ ചോദ്യം ചെയ്യാന്‍ പോലീസിന് ഇതുവരെ കഴിഞ്ഞിട്ടില്ല. ബലാത്സംഗം, ഗുരുതരമായി പരിക്കേല്‍പ്പിക്കല്‍ തുടങ്ങിയ കുറ്റങ്ങള്‍ക്കുള്ള വകുപ്പുകള്‍ ചുമത്തിയാണ് വിജയ് ബാബുവിനെതിരെ കേസെടുത്തത്.
താനാണിര, കേസിന് പിന്നില്‍ ചില അട്ടകള്‍
താനാണിരയെന്നും കേസിന് പിന്നില്‍ ചില അട്ടകളെന്നും വിജയ് ബാബു പറയുന്ന ഫെയ്‌സ്ബുക്ക് ലൈവില്‍ തന്നെയാണ് കോഴിക്കോട് സ്വദേശിനിയായ നായികയുടെ പേരും വെളിപ്പെടുത്തിയത്. പിന്നില്‍ പ്രവര്‍ത്തിക്കുന്നവരെ അറിയാം. എല്ലാത്തിനും രേഖകളുണ്ട്. നിയമത്തെ ബഹുമാനമുണ്ട്. 2018 മുതല്‍ പരാതിക്കാരിയെ അറിയാമെന്നും വിജയ് ബാബു പറയുന്നു.
ഫ്രൈഡേ ഫിലിം ഹൗസ്
ഫ്രൈഡേ ഫിലിം ഹൗസ് എന്ന നിര്‍മ്മാണ കമ്പനിയിലൂടെ ജനപ്രിയ സിനിമകള്‍ നിര്‍മ്മിച്ചാണ് വിജയ് ബാബു മലയാളി പ്രേക്ഷകരുടെ മനസില്‍ ഇടംനേടിയത്. നടനായി നിരവധി സിനിമകളില്‍ വേഷമിട്ടിരുന്നു. ഫിലിപ് ആന്റ് ദി മങ്കി പെന്‍, പെരുച്ചാഴി, ആട്, ആട് 2, മുദ്ദുഗൗ, ഹോം, സൂഫിയും സുജാതയും തുടങ്ങിയ സിനിമകളുടെ നിര്‍മ്മാതാവാണ്. 1983 ല്‍ സൂര്യന്‍ എന്ന ചിത്രത്തില്‍ ബാലതാരമായാണ് ഇദ്ദേഹം സിനിമാ രംഗത്തേക്ക് കടന്നുവന്നത്.
വീഡിയോകാണാം CLICK ⇒ ⇒ https://www.facebook.com/Vijaybabuofficial/videos/403078978019443/
